God i stap wetem yumi
1 God, hem i sefples blong yumi,
hem i paoa blong yumi.
Oltaem hem i rere blong givhan long yumi
long taem blong trabol.
2 Nao from samting ya,
nating sipos graon i seksek,
mo ol hil oli folfoldaon
i go long dipsi,
be yumi no save fraet.
3 I nomata sipos solwota i girap
we i raf we i raf,
mo ol hil oli stap seksek from,
be bambae yumi no save fraet nating.
6 Taem hem i tok,
voes blong hem i faerap olsem tanda,
nao wol ya i ronaot,
i kam olsem wota.
Mo ol man blong ol narafala kantri
oli fraet tumas,
mo ol kingdom oli folfoldaon.
10 Hem i talem se,
"!Yufala i no moa faet!
!Yufala i mas save we mi mi God!
Mi mi King blong ol man long ol narafala kantri.
Mi mi King blong olgeta man long wol."