Man i talemaot we hem i trastem God oltaem
1 Oltaem mi mi putum tingting blong mi
i stap long God nomo,
nao mi save mekem tingting blong mi i longfala,
mi save wet longtaem
blong hem i sevem mi.
2 Hem nomo i stap blokemgud mi
blong trabol i no kasem mi,
mo hem i stap sevem mi.
Hem i strong ples blong haed blong mi,
mo neva bambae ol enemi blong mi
oli save winim mi.
5 Oltaem mi mi putum tingting blong mi
i stap long God nomo,
nao mi save mekem tingting blong mi i longfala,
mi save wet longtaem long hem,
blong kasem ol samting
we tingting blong mi i stap long hem.
6 Hem nomo i stap blokem mi
blong trabol i no kasem mi,
mo i stap sevem mi.
Hem i strong ples blong haed blong mi,
mo neva bambae ol enemi blong mi
oli save winim mi.