OL SAM 65

Sing blong presem God mo blong talem tangkiu long hem

1 God.

I stret blong mifala i presem yu long Saeon,*

mo blong mifala i holem ol promes ya

we mifala i mekem long yu,

2 from we oltaem,

yu yu stap ansa long ol prea blong mifala.

Olgeta man long evri ples

bambae oli mas kam long yu,

3 from we oli stap mekem sin.

Ol fasin nogud blong mifala

oli stap winim mifala,

be yu yu stap fogivim mifala,

yu stap tekemaot sin blong mifala.