4 Hae God i gat paoa,

mo hem i stap mekem ol merikel

mo ol bigbigfala wok.

Bambae yumi no haedem ol samting ya

long ol pikinini blong yumi,

oltaem yumi mas talemaot long olgeta.

5 Hem i givim ol loa blong hem

wetem ol tok blong hem

long ol bubu blong yumi bifo.

Olgeta ya oli laen* blong Isrel,*

mo hem i talem long olgeta

blong oli tijim ol pikinini blong olgeta long ol loa ya,

6 blong ol smol bubu blong olgeta

oli save lanem ol loa ya,

nao oli save talemaot long ol pikinini blong olgeta bakegen.

7 Long fasin ya,

olgeta ya tu oli save trastem God,

mo oli no save fogetem

ol samting we hem i bin mekem,

oltaem oli save obei long ol tok blong hem.