Zaburi 4:2,4,6-8

Em outras traduções

1. SRUV Swahili Revised Union Version

   2 Enyi wanadamu, hadi lini utukufu wangu utafedheheka?

   Je! Mtapenda ubatili na kutafuta uongo hadi lini?

   4 *Efe 4:26;Mit 3:7Muwe na hofu wala msitende dhambi,

   Tafakarini vitandani mwenu na kutulia.

   6 *Zab 80:3Wengi husema, Nani atakayetuonesha mema?

   BWANA, utuinulie nuru ya uso wako.

   7 Umenitia furaha moyoni mwangu,

   Kupita yao wanapozidishiwa nafaka na divai.

   8 *Law 26:5;Kum 12:10;Yn 14:27;Flp 4:7Katika amani nitajilaza na kupata usingizi mara,

   Maana Wewe, BWANA, peke yako,

   Ndiwe unijaliaye kukaa salama.

2. ONEN Versão Contemporânea Aberta em Suaíli

   2 Enyi watu, mtabadilisha utukufu wangu

   kuwa aibu mpaka lini?

   Mtapenda udanganyifu

   na kufuata miungu ya uongo mpaka lini?

   4 Katika hasira yako, usitende dhambi.

   Mkiwa vitandani mwenu, mtulie kimya

   mkiichunguza mioyo yenu.

   6 Wengi wanauliza, "Ni nani awezaye

   kutuonyesha jema lolote?"

   Ee Bwana, tuangazie nuru ya uso wako.

   7 Wewe umejaza moyo wangu kwa furaha kubwa

   kuliko watu waliopata nafaka na divai kwa wingi.

   8 Nitajilaza chini na kulala kwa amani,

   kwa kuwa wewe peke yako, Ee Bwana,

   waniwezesha kukaa kwa salama.