Isaíasi 31

Habügürü ha áluahabaña ídemuei luma Ehiptu

1 Fugiabugu ha ñǘdünbaña Ehiptu áluga híderawagun,

ha hemenigibaña hawagu gabayu,

ha íchugubalin hemenigi luagu tibe hakarün

luma luagu hibe hagabayun,

madigiragúntiña luagun Wabungiute le Lubungiute Ísüraeli,

máluahan hamuti Wabureme!

2 Gama lumoun chuti lau Wabureme

ani adügati lun ñein lan lamiselu,

ani dan le lariñagun aban katei, adüga lumuti.

Liñuraguba hawagun gürigia salufuritiña

ha íderagubaliña wuribatiña adüga wuribani.