1 Ɔlaa di Moab batii suoto:

Ar di Moab ntoobiɛ,

kuɔwɔɔ di kakyɛ kanwii!

Kir di Moab ntoobiɛ,

kuɔwɔɔ di kakyɛ kanwii!

2 Dibon nkyɛ olekatakɔ nɔɔ,

di aba takale nɔɔ anaawi;

Moab nwi di Nebo ku Medeba suoto.

Bɛɛkpaasu disi biala

bɛɛkpaasu kafɔɔ okusu biala.

3 Baanyukũ aboko bakyɛ di sisuku;

di ayo lɛma osi ku akpaka

bamuu lɛma boowi nku,

bate kaasɔ boowi blobloblo.

4 Hesbon ku Eleale lapɛ mmuntũ,

baanu ma sɛlɔ dialaadu bia Yahas.

Nkpo oso Moab bakpɛtɛ lapɛ mmuntũ

situ lɛma kafɔɔ latɔɔpɛ ku lɛyɛkɛ.

5 Otu nii kowi kaku di Moab suoto;

batii nɔɔ letoso kakpɛ beesifi bia Soar,

beesifi bia Eglat Selisiya.

Bɛɛyɔ osuku bɔɔkata mansifi Luhit,

boowi kaku di obe wɔ boofe nii;

bakyɛ ni di osuku boofe ni Horonaim

boowi sɛnyaami di kawɔɔ lɛma suoto.

6 Nimrim okle ntu ntɔɔsɔɔ

sɛfa ninfa kafɔɔ ntookpi;

sɛfa kɔɔnle ntooloo

lɛsalɛsaa kɔɔnle kafɔɔ diesimbu.

7 Nioso lɛsaawɛ nwu baawɛ baakookaa ni kafɔɔ

baatuka nya baafenko di Kɔwɛ Awoso takale kamɛ baasifi.

8 Kaku owi lɛma lakumii diakyaka Moab kasɔ nwu kɔmɛ;

kaku lɛma nwu ladu bia Eglaim,

sɛnyaami lɛma owi ladu bia Beer Elim.

9 Dimon sekle leyii ku ntɔ́,

kafɔɔ kamakple nwako dikpilesaa di Dimon suoto-

kyata kamawa di Moab batii ba nikotoso ni suoto

ku mba kafɔɔ niebu ni di kasɔ nwu suoto.