1 Bikyesee afosobi fɛ kɔsɔsĩ

bita kasɔ nwu ɔka,

diɛyɔ ni di Sela, dife di ɔfaafuu,

diɛlaadu Sion Obisankobi kobokote nwu.

2 Fɛle bakansiɛ di afoko diibe ni

beetukusa beediki ni di leyo nɔɔ,

nkpo di Moab basanko kamate di

Arnon okle kataalɛkɔ nɛ.

3 "Bita wo disibu,

biebudisa ɔlaa.

Bita kunyii lee kute fɛle kakyɛ-

di kakũ kpanamantãa.

Faawofasa mba nikotoso ni,

tandiki batosotɛ nwu kayi faata."

4 Ta Moab batii nwu nikotoso ni basiɛ fɔ di ɔkyɛ;

lema kawofakɔ, faadiki di wɔɔsatɛ nwu nnɛɛ."

Dilaase di obe wɔ di siensietɛ nwu ɔsaabla lɛwa ni kaloo

ku kawɔɔ nwu lediɛ ni;

alɛ batii nwɔtɔtɛ nwu kamayɛ ni di kasɔ nwu suoto.

5 Di lɛbɔmbɔ kamɛ babase lɛkakpomii;

di onukwale kanya di otii kamasiɛ ni di suoto-

nnwɔ niekye ni Dawid leyo kamɛ-

nnwɔ ninkanko anwolaa ni lɛbɛ biene

ampɛ ni sɛwa kafɔɔ di ɔsaabla tinini suoto.

6 Butoonu Moab lɛkanta-

mmle ɔɔpɛ ni kɔnɛɛ lɛɛkankpɛɛ osie kanya-

lɛkanta ku lɛsaatambu nɔɔ.

kafɔɔ suoto otuo nɔɔ lɛbla kasakasa.

7 Nkpo oso Moab batii nwu kowi,

beesi boowi manta Moab.

Boowi ku sɛnyaami

manta Kir Hareset batii.

8 Hesbon afe ntɔɔyɔɔ,

Sibma nta awosobi kafɔɔ laakpa nwu.

Nnle nwu baka

ntɔɔnanafu nta awosobi biene

ya niadu ni Yaser obe owo kamɛ

aakplɔlɔɔ aatoofe ni ɔfaafuu.

Sɛla nɔɔ lakplɔlɔɔ

siakyɛ sialaadu bia lekpo.

9 Nioso kowi, fɛ mmle di Yaser kowi nii,

ta Sibma nta awosobi kofe nwu oso.

Oo Hesbon, Oo Eleale,

kowi mbuusa fɔ ku nnumɛɛ!

Suoto lɛyɔɔ kudú di awosobi lɛfɔ sɛɛle

ku ɔtɛsɛbee lɛfɔ nwu ntoolo kanana.

10 Batooklee fɔ suoto lɛyɔɔ ku lɛpɔ beefũ di kɔba nwu kamɛ;

kuonwii dilɔbasinsa sinu ee ayiisa kudú di nta awosobi kofe nwu kamɛ;

kuonwii dilɔbasinka nta awosobi di kakakɔ ninya,

diekye ntooniisa suoto lɛyɔɔ kudú nwu.

11 Otu nii kowi sɛnyaami di Moab suoto fɛle sanku onu,

kafutu konyinyii mi di Kir Hareset suoto.

12 Nse Moab lɛkyɔɔ di katakalekɔ nɔɔ,

suoto kubuɛ ookpee;

nse ɛɛkyɛ kafiofa nɔɔ alɛ ɔɔlaapɛ ɔlaa,

dilɔbawa kaanya.

13 Nnya ɔlaa wɔ di SAATE nwu ntoobuɛ ni kofokofoko di Moab suoto. 14 Kafɔɔ nunua SAATE nwu kobuɛ alɛ: "Di alɛɛ atiɛ kamɛ, fɛ mmle di kpɛmblatɛ nnyu ɔkpɛ nɔɔ ambla nii, Moab dibu ku batii nɔɔ nwu lɛpɔ nimuu kamawakasɔ, batii nɔɔ ba nimabu ni basɛɛ babale, ɔnyɛɛ kafɔɔ dilɔbawɛ ma."