1 Nnya ɔlaa wɔ di ɔlaabuɛtɛtɛ Yeremia latɔkɔ ni Neria obisuɔtɔbi Baruk di Yuda ɔka Yosia obisuɔtɔbi Yehoiakim sɛka ole lɛlɛɛ naafa kamɛ, di Baruk lakpana ni sɛlaa se di Yeremia latoobuɛ ni di kukũ kamɛ aaloo ni sɛmaa: 2 "Nnya ɔlaa wɔ di SAATE, Israel Yaa nwu kobuɛ antɔkɔ ni afɔ, Baruk alɛ: 3 Faabuɛ falɛ, ‘N-yɔɔsa! SAATE nwu ntɔɔyɔ sikududu owi ɛɛkyakaa di dibuo nii suoto; ditoobuo mi ku otuuni, nɔɔwɛ kafɔɔ ɔnyɛɛ ɔtɛ.’ "

4 SAATE nwu alɛ, "Buɛ ɔlaa wɔ mmle fatɔkɔ nwɔ falɛ: ‘Nnya ɔlaa wɔ di SAATE nwu kobuɛ ni alɛ: Kamatukusa lɛsaa le latofo ni n-yu, nin-sifi kafɔɔ lɛsaa le lasɔ ni di kasɔ nwu kamuu suoto. 5 Ni mɔ, foomiɛ asaa kplɛ fanta suoto lɛfɔ? Tammiɛ nya. Diekye kamayɔ ɔlaa kpile otũ n-wako di batii bamuu suoto, SAATE nwu niebuɛ, kafɔɔ kakɔ lele fɛɛkyɛ, kamata fɔ fantosoko nkpa lɛfɔ.’ "