1 Is beannaichte gach neach air am bi eagal an Tighearna, a ghluaiseas na shlighean.

2 Oir ithidh tu toradh do làmh; sona bidh tu, agus èiridh gu math dhut.

3 Bidh do bhean mar fhìonain tharbhaich làimh ri taobhan do thaighe, do chlann mar chroinn-ola mu thimcheall do bhùird.

4 Feuch, mar seo beannaichear an duine air am bi eagal an Tighearna.

5 Beannaichidh an Tighearna thu a Sion, agus chì thu math Ierusaleim rè uile làithean do bheatha.

6 Seadh, chì thu clann do chloinne, agus sìth air Israel.