1 O na doimhneachdan ghlaodh mi riut, a Thighearna.

2 A Thighearna, èisd rim ghuth; thugadh do chluasan an aire do ghuth m’athchuingean.

3 Ma chomharraicheas tusa aingidheachd, a Thighearna; a Thighearna, cò a sheasas?

4 Ach maille riutsa tha maitheanas, agus uime sin bidh eagal air daoine romhad.

5 Tha mi a’ feitheamh air an Tighearna, tha m’anam a’ feitheamh, agus na fhacal tha mo dhòigh.

6 Tha m’anam a’ feitheamh air an Tighearna, nas mò na luchd-faire na maidne, seadh, na luchd-faire na maidne.

7 Earbadh Israel as an Tighearna, oir aig an Tighearna tha tròcair, agus aigesan tha mòr-shaorsa;

8 Agus saoraidh e Israel o a euceartan gu lèir.