18 ଇଡ଼ିଂ ମାପ୍ରୁ ପର୍ମେସର୍ ବାସଙ୍ଗ୍କେ, ରେମୁଆଁ ମୁଇଂଜା ଲେଃନେ ବଲ୍ ଣ୍ଡୁ, ନେଙ୍ଗ୍ ମେଁ ନ୍ସା ମେଁନେ ଏଃତେ ଲେଃଚେ ବୃଆଡିକେଃ ନ୍ସାଃ ମୁଇଂ ସେଲାମ୍ବୁଏଃ ତିଆର୍ ଣ୍ଡିଂଏ । 19 ଆରି ମାପ୍ରୁ ପର୍ମେସର୍ ତୁବବାନ୍ ପ୍ଲଗ୍ନେ ପସୁ ଆରି ୱାଲେଃନେ ପ୍ଲିଗ୍ଇଂ ତିଆର୍ ଡିଂଚେ ଆଦମ ଆମେଇଂକେ ମେଃ ମ୍ନି ବିଃଏ, ଆକେନ୍ ମ୍ୟା ନ୍ସା ସାପା ରେମୁଆଁକେ ମେଁନେ ଡାଗ୍ରା ଡୁଙ୍ଗ୍ପାଙ୍ଗ୍କେ । ତେଲା ଆଦମ ଆତେନ୍ ପ୍ରାନିଇଂ ବିତ୍ରେବାନ୍ ଆଜାକେ ଆଣ୍ଡିନେ ମ୍ନି ବିଃକେ, ମେଁନେ ଆତେନ୍ ମ୍ନି ଡିଂକେ । 20 ଦେକ୍ରକମ୍ ଆଦମ ପସୁ, କିତଂନେ ପ୍ଲିଗ୍ ଆରି ପ୍ଲଗ୍ନେ ସାପା ଜନ୍ତୁନେ ମ୍ନି ବିଃକେ; ମାତର୍ ରେମୁଆଁ ନ୍ସାଃ ମେଁ ଏଃତେ ଲେଃଚେ ବ୍ରୁଆଡିକେଃନେ ସେଲାମ୍ବୁଏଃ ଆତ୍ନାକେ ଣ୍ଡୁ ।
21 ଇଡ଼ିଂ ମାପ୍ରୁ ପର୍ମେସର୍ ଆଦମକେ ଜାବର୍ ଲେମୁଁଆଃନ୍ୟା ଆଃଡୁଲେଗ୍ ବିଃଚେ ଆତେନ୍ ଲେମୁଁଆଃ ବେଲା ମେଁନେ ଇଃତୁଡ଼ା ପାଞ୍ଜ୍ରା ଡୁଙ୍ଗ୍ୱେଚେ ଚିଲି ଏଃତେ ଆତେନ୍ ଜାଗା ପୁରନ୍ ଆଃଡିଂକେ । 22 ଆରି ମାପ୍ରୁ ପର୍ମେସର୍ ଆଦମ୍ନେବାନ୍ ଆଣ୍ଡିନେ ପାଞ୍ଜ୍ରା ଇଃତୁଡ଼ା ଡୁଙ୍ଗ୍ୱେକେ, ଆତେନ୍ ବାନ୍ ମୁଇଂ ସେଲାମ୍ବୁଏଃ ତିଆର୍ ଡିଂଚେ ଆଦମନେ ଡାଗ୍ରା ଡୁଙ୍ଗ୍ପାଙ୍ଗ୍କେ । 23 ତେଲା ଆଦମ ବାସଙ୍ଗ୍କେ, ଏଃତର୍ ଡିଂଗେ; "ଆକ୍ମେ ନିଂନେ ଞ୍ଚିଆନେ ଞ୍ଚିଆ ଆରି ଚିଲିନେ ଚିଲି; ଆକ୍ମେନେ ମ୍ନି ସେଲାମ୍ବୁଏଃ, ମେଃଡାଗ୍ଲା ଆକ୍ମେ ରେମୁଆଁବାନ୍ ତିଆର୍ ଡିଂଲେଃକେ ।" 24 ଏନ୍ସାଃ ରେମୁଆଁ ନିଜେନେ ଆବା ଇୟାଙ୍ଗ୍କେ ଆନ୍ତାର୍ଚେଃ ନିଜେନେ କୁନୁଏଃ ଏଃତେ ମୁଇଂଅରିଆ ଲେଃଏ, ଆରି ମେଇଂ ମୁଇଂ ଗାଗ୍ଡ଼େ ଡିଂଆର୍ଏ ।
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)