କୁଶ୍ ଦେସ୍ ଆଡ଼ାତ୍ରା ବାବବାନି
1 ଆହା ! କୂଶ ଦେସ୍ନେ କେଣ୍ଡିଆ ଆଣ୍ଡେଙ୍ଗ୍ନେ ଇନୁମେତା ଦେକ୍ରକମ୍ ଦେସ୍ ଲାଏଃକେ ଆଣ୍ଡିଅରିଆ ପିଲିଗ୍ଇଂନେ ଡେନାନେ ସବଦ୍ ଅଁମ୍ୟାଃ ।
2 ମେଁ କେଣ୍ଡିଆ ଗାଲିପାକା ନାଲା ଏତେ ତିଆର୍ ଡିଙ୍ଗ୍କ୍ନେ ତରା ଏଃତେ ଣ୍ଡିଆ ଆଡ଼ାତ୍ରା ଦୁତ୍ଇଂକେ ବେଃଚେ ବାସଙ୍ଗ୍ଏ, ଅ ଦାପ୍ରେ ୱେନେ ଦୁତ୍ଇଂ, ମୁଃଡ଼ି କୁଟୁମ୍ନେ ରେମୁଆଁଇଂ ଉଚା ଆରି ପର୍ଚଲ୍ ଲେଃମ୍ୟାଃକେ ମୁଃଡ଼ି ରେମୁଆଁଇଂ ବେସି ବୁଟମ୍ୟାଃକେ, ମୁଃଡ଼ି କୁଟୁମ୍ନେ ରେମୁଆଁ ବେସି ଆରି ଲେଚାର୍ମ୍ୟାଃ, ମୁଃଡ଼ିନେ ରେମୁଆଁଇଂନେ ଦେସ୍ ଲଣ୍ଡିଆ ଆଣ୍ଡେଙ୍ଗ୍ ଲେଃଏ, ପେ ଆତ୍ ଅରିଆ ୱେଲାପା ।
3 କେଲାପା, ଆତାନ୍ ଜାତି ଆଡ଼ାତ୍ରା ମେଃଡିଗ୍ ଗଟ୍ନା ଗଟେଏ । ମଚ୍ପୁର୍ନ୍ୟା ସାପା ବାସା ଲାଏଃକ୍ନେ ରେମୁଆଁ କେଆର୍ଏ ଜେ ଆତାନ୍ ଜାତି ନସ୍ଟ ଡିଙ୍ଗ୍ଡିଂକେ । ସାପା ରେମୁଆଁ ନିମାଣ୍ଡାଃ ବାବ୍ରେ କେଆର୍ଏ ଡିରକମ୍ କଣ୍ଡା ଆଡ଼ାତ୍ରା ଜେଣ୍ଡା ୱାଲେଃଚେ ବାସଙ୍ଗ୍ ଡିଙ୍ଗ୍କେ । ଆତାନ୍ ଉଚା ରେମୁଆଁଇଂନେ ନସ୍ଟ ଡିଙ୍ଗ୍ଏ, ଏନ୍ ମଚ୍ପୁର୍ଣ୍ଡ୍ରେ କେଆର୍ଏ । ଜୁଦ୍ନ୍ୟା ପ୍ନିଃ ପିଃଚେ ବାସଙ୍ଗ୍କେ ରକମ୍ ମେଇଂ ଆକାନ୍ ନିମାଣ୍ଡା ବାବ୍ରେ ଦ୍ରିଗ୍ଆର୍ଏ ।
4 ମେଃଡାଗ୍ଲା ସଦାପ୍ରବୁ ଆନେକେ ଦେକ୍ରକମ୍ ବାସଙ୍ଗ୍ବକେ, "ବାରି ନାଃସେଙ୍ଗ୍ ଡିଙ୍ଗ୍କେଲା ଗରମ୍ ଡିଙ୍ଗ୍କ୍ନେ ରକମ୍, କିଆ ୱେନେ କେଲା ଡିରକମ୍ ଗରମ୍ ଡିଙ୍ଗ୍ଏ ଆତେନ୍ କାଲା ତାଉଲଃ ଡିଙ୍ଗ୍କ୍ନେ ତ୍ରିଗ୍ଡିଆ ରକମ୍ ସକତ୍ ନେଡିଙ୍ଗ୍ଏ । ବାରି ନେଙ୍ଗ୍ନେ ବାସାନ୍ଲେଃକ୍ନେ ଜାଗାନ୍ନିଆ ଲେଃଚେ ଙ୍କେଏ ।"
5 ଡାଗ୍ଲା ଅଙ୍ଗୁର୍ ରାସିଙ୍ଗ୍ନେ ସେନୁଗ୍ ମେଲା ଡିଂୱେକ୍ନେ ଇଡ଼ିଙ୍ଗ୍ ଆରି ସାରି ଅଙ୍ଗୁର୍ ଚୁଚୁ ଡିଙ୍ଗ୍ଚେ ବ୍ଲେକ୍ନେ କେଲା ମେଁ ନ୍ସଗ୍ ଡୁଙ୍ଗ୍ୱେଚେ ଆତ୍ଅରିଆନେ ଚୁଚୁ ଗୁଆଃ ଜଗ୍ତ୍ଲାଗ୍ଏ ଆରି ଆତ୍ଅରିଆ ଜାଜ୍ରା ଲାଏଃକ୍ନେ କେନ୍ଦା ସାପାକେ ଗୁଆଃ ବିଃଏ ।
6 ଆତେନ୍ ସନ୍ୟଇଂନେ ଗୁଏକ୍ନେ ମଡ଼୍କେ କଣ୍ଡାନେ ପ୍ଲିଗ୍ଇଂ ବାରି କଣ୍ଡାନେ ପସୁଇଙ୍ଗ୍ ଚଙ୍ଗ୍ଆର୍ଏ । ସ୍ଲନେ ପ୍ଲିଗ୍ ଆଣ୍ଡେଙ୍ଗ୍ ଆତାନ୍ ଅଙ୍ଗୁର୍ନ୍ୟା ନ୍ନାସେଙ୍ଗ୍କିଗ୍ କେଲା ଚଙ୍ଗ୍ଆର୍ଏ ବାରି କଣ୍ଡା ପସୁ ଆଣ୍ଡେଙ୍ଗ୍ ଆତାନ୍ ଅଙ୍ଗୁର୍ ଚୁଚୁନ୍ୟା ରାଃସକିଗ୍ କେଲା ଚଙ୍ଗ୍ଆର୍ଏ ।
7 ଆତାନ୍ ବେଲା ଉଚା ଆରି ପର୍ଚଲ୍ ଆରି ନ୍ତା ଞ୍ଜାଇଂନେ ବାନ୍ ମୁଇଂ ବୟଙ୍କାର୍ କୁଟୁମ୍ ରେମୁଆଁ । ଜାଣ୍ଡେଇଂ ଦୁକ୍ ଡିଙ୍ଗ୍ମ୍ୟାଃ ଆରି ଞ୍ଚ ଆଲ ଟେଚାର୍ ମ୍ୟାଃ, ଜାଣ୍ଡେଃନେ ଦେସ୍ ଲଣ୍ଡିଆକେ ବାଗ୍ ବାଗ୍ ଆଡିଙ୍ଗ୍ବକେ, ଦେକ୍ରକମ୍ ମୁଇଂ ରେମୁଆଁଇଂକେ ସାପାବାନ୍ ବପୁ ମାପ୍ରୁନେ ଉପହାର୍ ରକମ୍ ସାପାବାନ୍ ବପୁ ମାପ୍ରୁନେ ମିନିନେ ମୁଇଂ ଜାଗା ସିୟୋନ କଣ୍ଡାନିଆ ଡୁଙ୍ଗ୍ପାଙ୍ଗ୍ ଆର୍ଏ ।
/images/a/Tcg2NiV7ce24OT6kCIQGR)
/images/a/lTDTr17sdXbuk0Q46fQTo)