ମୟାବ ଆଡ଼ାତ୍ରା ବାବବାନି
1 ମୋୟାବ ବିସୟ୍ରେ ମୁଇଂ ବବିସତ୍ ସାମୁଆଁ । ବିନ୍ ମୁଇଂ ମିଡିଗ୍ବ ମୋୟାବନେ ଆର ଇନିବାନ୍ ସନ୍ୟଇଂ ସାପା ଦନ୍ସମ୍ପତି ରାଙ୍ଗ୍ଡ ଆର୍କେ ବାରି ଆମେକେ ଡିଗ୍ ଦଂସ ଆଡିଙ୍ଗ୍ ବିଃଆର୍କେ । ବାରି ଡିଗ୍ ମେଃସୁଆ ମିଡିଗ୍ବ ମୋୟାବନେ କୀର୍ ଇନିବାନ୍ ସାପା ଦନ୍ସମ୍ପତି ରାଙ୍ଗ୍ଡ ଆର୍କେ ବାରି ଆତାନ୍ ଇନିକେ ଡିଗ୍ ଦଂସ ଆଡିଙ୍ଗ୍ ବିଃଆର୍କେ ।
2 ଇଃସାଙ୍ଗ୍ ଡୁଆଣ୍ଡ୍ରେ ବାରି ଦୀବନନେ ରେମୁଆଁଇଂ ପୁଜା ଜାଗାନ୍ୟା ଅଃ ନ୍ସା ୱେଲେଃଆର୍କେ । ମୋୟାବନେ ରେମୁଆଁଇଂ ନୋବ ବାରି ମେଦବା ନ୍ସା ଅଃ ଆର୍ଙ୍କେ । ମେଇଂ ଦୁକ୍ କସ୍ଟ ଆମ୍ୟାନ୍ସା ବାଆଃ କୁଆର୍ଆର୍ଡିଂକେ ବାରି କର୍ତା କୁଆର୍ଡିଂକେ ।
3 ମୋୟାବନେ ସାପା ଜାଗାନ୍ୟା, ଡୁଆ ଇଃସାଙ୍ଗ୍ ଜାଗା ଅରିଆ ବାରି ଗାଲି ଆଣ୍ଡେଙ୍ଗ୍ ଅରିଆ ଡାଆଁ ପାଟାଇ ୱାଡ଼େଗ୍ଚେ ଅଃ ଆର୍ଙ୍କେ ।
4 ହିଷ୍ବୋନ୍ ବାରି ଇଲୀୟାଲି ଜାବର୍ ୱାସାର୍ଚେ ଅଃଙ୍କେ । ମେଇଂ ଅଃକ୍ନେ ଯହସ୍ ଜାକ ଅଁ ଆର୍ଙ୍କେ । ଦେକ୍ରକମ୍ ମୋୟାବନେ ସନ୍ୟଇଂ ବୁଟମେଗ୍ଚେ ଅଃଆର୍ଡିଂକେ ।
5 ନେଙ୍ଗ୍ନେ ଜିବନ୍ ମୋୟାବ ନ୍ସା ଅଃ ଙ୍କେ । ରେମୁଆଁଇଂ ଇଗ୍ଲତ୍ ଶଲୀଶୀୟା ବାରି ସ୍ଲନେ ସୋୟର୍କେ ବୁଡ଼ି ନ୍ସା ଲାଗ୍ଡ ଆର୍ଙ୍କେ । ମେଇଂ ଅଃ ଅଃଚେ ଲୁହିତ ଗାଟି ଆଡ଼ାତ୍ରା ୱେ ଆର୍ଙ୍କେ । ହୋରୋନୟିମ ଗାଲି ପାକା ୱେଡିଙ୍ଗ୍କ୍ନେ ବେଲା ଜାବର୍ ୱାସାର୍ଚେ ଅଃ ଆର୍ଙ୍କେ ।
6 ମାତ୍ରମ୍ ନିମ୍ରୀମନେ ଣ୍ଡିଆ ସାପା ନ୍ସୁଆର୍ ୱେଏ । କଡ଼େଆଁ ସ୍ଲାଃପାଡ଼ୁ ଆଣ୍ଡେଙ୍ଗ୍ ଆଲେଣ୍ଡୁ ।
7 ରେମୁଆଁଇଂ ନିଜର୍ ନିଜର୍ ସାପା ଜିନିସ୍ ମୁଇଂଡାଗ୍ରା ଆଡିଙ୍ଗ୍ ଆର୍ଏ ବାରି ମୋୟାବ ଆତାର୍ ବିଃଆର୍ଏ । ଆତାନ୍ ସାପା ଜିନିସ୍କେ ସାଚେ ସିମା ଗାଲେଗ୍ଚେ ବାଇଶୀ ମିନିନେ ସ୍ଲାଃନେ ଲଣ୍ଡ୍ୟାଃ ଡାଗ୍ରା ରାଙ୍ଗ୍ୱେଏ ।
8 ମୋୟାବନେ ସାପା ଜାଗାନ୍ୟା ଅଃନେ ସବଦ୍ ବିଃଏ । ଆତାନ୍ ୱାସାର୍ଚେ ଅଃନେ ସ୍ଲ ଜାକ ୱେଏ ଆରି ଇଗ୍ଲୟିମ୍ ଆରି ବେରେଲୀମ୍ ଜାକ ୱେଲାଏଃକେ ।
9 ଦୀମୋନନେ ଣ୍ଡିଆଃ ସାପା ମ୍ମ୍ୟାଁ ରକମ୍ ଡିଙ୍ଗ୍ଏ । ନେଙ୍ଗ୍ ଦୀମୋନ ଆଡ଼ାତ୍ରା ଜାବର୍ ଦୁକ୍ ମ୍ୱିଏ । ମୋୟାବନେ ଲାଗ୍ଡଣ୍ଡ୍ରେ ବାରି ବାଃଗା ଲୁଆଁକ୍ନେ ରେମୁଆଁ ନ୍ସା ନେଙ୍ଗ୍ ମୁଇଂ ସିଂଅଁ ରାଙ୍ଗ୍ମ୍ପାଙ୍ଗ୍ଏ ଜାଣ୍ଡେ କି ଆମେଇଂକେ ଚଙ୍ଗ୍ ବିଃଏ ।
/images/a/Tcg2NiV7ce24OT6kCIQGR)
/images/a/lTDTr17sdXbuk0Q46fQTo)