1 ଆତାନ୍‌ ବେଲା ତ୍ମାକ୍ଲିଗ୍‌ ସେଲାମ୍ବୁଏଃ ମୁଇଂ ଙ୍ଗିର୍‌ବଏଃକେ ସାଚେ ବାସଙ୍ଗ୍‌ ଆର୍‌ଏ, "ନେ ନିଜର୍‌ ବଲେ ନେଚଙ୍ଗ୍‌ଏ ବାରି ନିଜର୍‌ ପାଟାଇ ନେୱାଡ଼େଗ୍‌ଏ; ମାତ୍ରମ୍‌ ନାଁନେ ମ୍ନିରେ ନେ ସ୍ନାମୁଆଁ ନେଡିଙ୍ଗ୍‌ଏ; ନାଁ ନେନେ ଅପମାନ୍‌କେ ସ୍ଲ ଆଡିଙ୍ଗ୍‌ ।"

2 ଆତାନ୍‌ ଦିନ୍‌ ଇସ୍ରାଏଲ ବିତ୍ରେ ମ୍ଵ୍ରଲାଏଃକ୍ନେ ରେମୁଆଁଇଂ ନ୍‌ସା ସଦାପ୍ରବୁନେ କେନ୍ଦା, ମନ୍‌କେ ୱେଏ ବାରି ଗଉରବ୍‌ ଡିଙ୍ଗ୍‌ଏ । ବାରି ଦେସ୍‌ନେ ଚୁଚୁ ନିମାଣ୍ଡା ବାରି ମନ୍‌କେ ୱେଏ ।

3 ସଦାପ୍ରବୁ ସିୟୋନନେ ସେଲାମ୍ବୁଏଃ ଇଂନେ ମ୍ମାର୍‌କେ ଗୁଏଡ଼୍ୟାବିଏ । ମେଁ ଯିରୂଶାଲମନେ ସାପା ମ୍ୟାକେ ଗୁଏଡ଼୍ୟାବିଏ । ପର୍‌ମେସର୍‌ ମେଁନେ ବିଚାର୍ ଡିଙ୍ଗ୍‌ନେ ଆତ୍ମାକେ ବେବଆର୍‌ ଡିଙ୍ଗ୍‌ଏ । ବାରି ଡିଗ୍‌ ମେଁ ମେଁନେ ଡୁଆକ୍ନେ ଆତ୍ମାକେ ବେବଆର୍‌ ଡିଙ୍ଗ୍‌ଏ ।

4 ଆତାନ୍‌ ବେଲା ସିୟୋନ ବାରି ଯିରୂଶାଲମନେ ଲାଏଃକ୍ନେ ବାକି ସାପା ରେମୁଆଁ ଅଲ୍‌ଗା ଡିଙ୍ଗ୍ ଆର୍‌ଏ ବାରି ପବିତ୍ର ରେମୁଆଁ ଡାଗ୍‌ଚେ ସ୍ନାମୁଆଁ ଆର୍‌ଏ । ଏନ୍‌ ଆତାନ୍‌ ରେମୁଆଁଇଂନେ ଆଡ଼ାତ୍ରା ଗଟେଏ ଜାଣ୍ଡେଇଂ ଅଲ୍‌ଗା ଜାଗାନ୍ନିଆ ଲେଃଆର୍‌ଏ ବାରି ଆତାନ୍‌ ଜାଗାନ୍ନିଆ ମିନି ଲାଏଃକ୍ନେ ରେମୁଆଁଇଂ ମାତ୍ରମ୍‌ ମ୍ୱ୍ର ଆର୍‌ଏ ।

5 ଆତାନ୍‌ ବେଲା ପର୍‌ମେସର୍‌ ମେଁନେ ରେମୁଆଁଇଂ ଏତେ ଲ୍ଲେକେ ଡାଗ୍‌ଚେ ପର୍‌ମାନ୍‌ ଆଡିଙ୍ଗ୍‌ଏ । ଦିନ୍‌ ବେଲା ପର୍‌ମେସର୍‌ ମାଃସ ରକମ୍‌ନେ ତ୍ରିଗ୍‌ଡ୍ୟା ତିଆର୍‌ ଡିଙ୍ଗ୍‌ଏ ବାରି ମିଡିଗ୍‌ବ ଡୁଆକ୍ନେ ସୁଆ ତିଆର୍‌ ଡିଙ୍ଗ୍‌ଏ । ବାରି ଏନ୍‌ ପର୍‌ମାନ୍‌ ଡିଙ୍ଗ୍‌ଏ ଜେ ସିୟୋନନେ ସାପା କଣ୍ଡା ବାରି ସାପା ଡୁଆ ଆଡ଼ାତ୍ରା କିତଂହିନି ଏନ୍‌ ମାଃସ ରକମ୍‌ ତ୍ରିଗ୍‌ଡ୍ୟାନ୍ୟା ଆଣ୍ଡ୍ରିଗ୍‌ଚେ ଲେଃଏ । ସାପା ରେମୁଆଁନେ ରକ୍ୟା ନ୍‌ସାଃ ଆର୍କେନେ ତାରାସ୍ ସାପାପାକା ଡିଙ୍ଗ୍‌ଏ ।

6 ବାରି ସ୍ମିବେଲା ନ୍ନାଃସେଙ୍ଗ୍‌ବାନ୍‌ ନ୍‌ଲୁଡ଼୍ୟା ବିନ୍‌ସା, ବାରି ୱେଡ଼୍ୟାଃଗୁର୍ୟାଃ ବାରି ଣ୍ଡିଆଃ ଗୁର୍‌ନେବାନ୍‌ ରକ୍ୟା ବାନ୍‌ସାଃ ମୁଇଂ ପୁଣ୍ଡେନେ ଡୁଆ ରକମ୍‌ ଡିଙ୍ଗ୍‌ଏ ।