ମିସର୍ ଆରି କୁଶ୍ ଦେସ୍ ଆଡ଼ାତ୍ର ମୁଇଂ ଚିନ୍
1 ଅଶୂରନେ ରାଜା ସର୍ଗୋନନେ ବେବକ୍ନେ ତର୍ତ୍ତନ ସେନାପତି ଆଣ୍ଡିନେ ମୁଆଁ ଅସ୍ଦୋଦନିଆ ପାଙ୍ଗ୍ଚେ ମେଁ ସାମ୍ନାରେ ଯୁଦ୍ ଡିଙ୍ଗ୍ଚେ ମେଁ ନ୍ତିନିଆ ରାଙ୍ଗ୍ଡକେ ।
2 ଆତାନ୍ ବେଲା ସଦାପ୍ରବୁ ଆମୋସନେ ଉଂଡେ ଯିଶାଇୟନେ ବାନ୍ ଏନ୍ ସାମୁଆଁ ବାସଙ୍ଗ୍କେ, "ୱେଲା, ନାଁ ନ୍ସା ବାନ୍ ତାଂକ୍ନେ ବାସ୍ତା ତ ବାରି ଞ୍ଚବାନ୍ ଚପଲ୍ ତ ।" ଯିଶାଇୟ ସଦାପ୍ରବୁନେ ଆଜ୍ଞା ପାଲନ୍ ଡିଙ୍ଗ୍ଚେ ଲାଙ୍ଗ୍ଲା ବାରି ଞ୍ଚନିଆ ଚପଲ୍ ମାତାଙ୍ଗ୍ଚେ ଅଲେଙ୍ଗ୍କେ ।
3 ତେଲା ସଦାପ୍ରବୁ ବାସଙ୍ଗ୍କେ, "ନେନେ ଚାକର୍ ଯିଶାଇୟ ଞ୍ଜି ମୁଆଁ ଜାକ ଲାଙ୍ଗ୍ଲାଚେ ବାରି ପାଣ୍ଡୁଏ ମାତାଙ୍ଗ୍ଚେ ଅଲେଙ୍ଗ୍କେ । ଏହେନେ ମିସର୍ ବାରି କୂଶ ନ୍ସା ଚିନା ବାରି ଇରିୟାତୁଗ୍ ରକମ୍ ଚିନ୍ ଡିଙ୍ଗ୍ଏ ।"
4 ଅଶୂର ଇଃସାଙ୍ଗ୍ ମିସର୍ ବାରି କୂଶକେ ଜିତେଏ । ମିସର୍ଣ୍ଡ୍ରେ ଗିଆସ ଆର୍ଏ । ଡାଗ୍ଲା ମିସର୍ନେ ମ୍ନା ଡାଆଁ ସାପାରେ ବନ୍ଦି ଡିଙ୍ଗ୍ଲାଏଃକ୍ନେ ରେମୁଆଁଇଂକେ ବାରି କୂଶ୍ ଦେସ୍ନେ ବଟ୍ ବିଃବକ୍ନେ ରେମୁଆଁଇଂକେ ଲାଙ୍ଗ୍ଲା ଆଡିଙ୍ଗ୍ଚେ ବାରି ଞ୍ଚନ୍ୟା ଚପଲ୍ ମାରାତାଙ୍ଗ୍ଚେ ଆରି ପ୍ଲା ଆଃକେଚେଃ ଅଲେଙ୍ଗ୍ଆର୍ଏ ।
5 ରେମୁଆଁଇଂ କୂଶକେ ସାଇଜ ଡିଙ୍ଗ୍ନ୍ସାଃ ଚାଏଁଆର୍ଏ । ମାତ୍ରମ୍ ମେଇଂ ନିରାସ୍ ଡିଙ୍ଗ୍ଚେ ଲାକା ଆର୍ଏ । ମିସର୍ନେ ବଡ଼୍ପନ୍ ଦଂସ ଡିଙ୍ଗ୍ନେ କେଚେ ମେଁନେ ରେମୁଆଁଇଂ କାବା ବାରି ଇରିୟାତୁଗ୍ ଆର୍ଏ ।
6 ଆତାନ୍ ଦିନ୍ କେଣ୍ଡ୍ୟାଃ ଡାଗ୍ରା ବାସାକ୍ନେ ରେମୁଆଁ ବାସଙ୍ଗ୍ଏ, "ନେ ଆକାନ୍ ଦେସ୍ ଆଡ଼ାତ୍ରା ସାଇଜ ନ୍ସାଃ ଆସା ଡିଙ୍ଗ୍ନେଲେକେ । ଅଶୂର ଇଃସାଙ୍ଗ୍ ବାନ୍ ରକ୍ୟା ବାନ୍ସା ସାଇଜ ବାନ୍ସା ଆଣ୍ଡିଅରିଆ ଲାଗ୍ନେଡକେ, ନେ ଆତେନ୍ ବିସ୍ବାସ୍ ଡିଙ୍ଗ୍ନେବକ୍ନେ ତୁବଃ ଦେକ୍ରକମ୍ । ତେଲା ନେ ଆରି ଡିରକମ୍ ନେବ୍ରୁଆଏ ?"
/images/a/Tcg2NiV7ce24OT6kCIQGR)
/images/a/lTDTr17sdXbuk0Q46fQTo)