ଯିରୂଶାଲମ ଆଡ଼ାତ୍ରା ବବିସତ୍ ସାମୁଆଁ
1 ଯିରୂଶାଲମ ବିସଏରେ ଦର୍ସନ୍ନେ ବବିସତ୍ ସାମୁଆଁ । ପେନେ ମେଁ ଡିଙ୍ଗ୍ଲେଃକେ ? ପେ ମେନ୍ସା ଡୁଆନେ ଚାତ୍ ଆଡ଼ାତ୍ରା ୱେ ପେଲେଃକେ ?
2 ଅ ସାର୍ଦାରେ ମ୍ଲେଃଡ଼୍ୟାଃ ଲାଏଃକ୍ନେ ରେମୁଆଁଇଂ, କିରମର ଡିଙ୍ଗ୍ନେ ଇନି, ସାର୍ଦାରେ ଲେକ୍ନେ ରେମୁଆଁଇଂ, ନାନେ ଗୁଏଲେକ୍ନେ ରେମୁଆଁଇଂ କାଣ୍ଡା ଏତେ ଆଗୁଏ ଆର୍କେ ଣ୍ଡୁ କି ମେଇଂ ଯୁଦ୍ନିଆ ଆଗୁଏଆର୍କେ ଣ୍ଡୁ ।
3 ପେନେ ସାସନ୍ ଡିଙ୍ଗ୍ଣ୍ଡ୍ରେ ସାପାରେ ମୁଇଂ ମାଡ୍ରେ ଲାଗ୍ଡଆର୍କେ, ମେଇଂ ଆଁୟାଃ ସାଃଲାଏଃକ୍ନେଣ୍ଡ୍ରେ ଡିଗ୍ ଗାଗ୍ଆର୍କେ । ପେଇଂ ବିତ୍ରେ ଲାଏଃକ୍ନେ ସାପା ରେମୁଆଁ ମୁଇଂ ମାଡ୍ରେ ଆଗାଗ୍ଆର୍କେ, ମେଇଂ ସ୍ଲ ଲାଗ୍ଡ ଆର୍କେ ।
4 ତେସା ନେଙ୍ଗ୍ ବାସଙ୍ଗ୍ ଣ୍ଡିଙ୍ଗ୍, "ଆନେଙ୍ଗ୍ ଆକେଗ୍ପା । ଆନେଙ୍ଗ୍ ଅଃନେ ବିଲାପା । ନେଙ୍ଗ୍ ଜାତିନେ ବିନାସ୍ ବିସଏରେ ଆନେଙ୍ଗ୍ ସାନ୍ତି ବିଃନ୍ସା ଚେସ୍ଟା ଆଡିଙ୍ଗେପା ।"
5 ମେଃଡାଗ୍ଲା ଯିରୂଶାଲମନେ ଦର୍ସନ୍ ମାପ୍ରୁନେ, କାଲାଆଃନେ ମ୍ନା ମାପ୍ରୁନେ ରେମୁଆଁଇଂ ଆରେନେ ଦିନା ଆରି ଡିଙ୍ଗ୍ଏ ଲେଃ ଣ୍ଡୁ ଡାଗ୍ଚେଃ ଆରି ସାର୍ଦାରେ ଲେକ୍ନେ ତୁରାଃ ପାକ୍ଚିନେ ଆରି କଣ୍ଡା ଆଡ଼ାତ୍ରା ଅଃନେ ଦିନ୍ ଡିଙ୍ଗ୍ଏ ।
6 ବାରି ଏଲମ ଦେଶ୍ନେ ରତ୍ନିଆ ଡେଃକ୍ନେ ସନ୍ୟଇଂ ଆରି ଗଡ଼ାନିଆ ଡେଃକ୍ନେ ସନ୍ୟଇଂ ଆଁୟାଃ ସାଃଚେ ଆରି କୀର୍ନେ ସନ୍ୟଦଲ୍ଇଂ ଗ୍ରି ପାଟା ସାଃଚେ ତିଆର୍ ଡିଂଲେଃଆର୍ଗେ ।
7 ବାରି, ଯିଉଦାନେ ମ୍ୱାକ୍ଲିଗ୍ କଣ୍ଡା ଆଲ ପାଦା ଲାଏଃକ୍ନେ ଜାଗାନ୍ନିଆ ରତ୍ ସାଃଚେଃ ସାପାରେ ତୁଆଁ ଲେଃଆର୍କେ ଆରି ଗଡ଼ାନିଆ ଡେଃଲେକ୍ନେ ରେମୁଆଁଇଂ ଯିରୂଶାଲମ ବାଜାର୍ନିଆ ତିଆର୍ ଡିଙ୍ଗ୍ଚେ ଲେଆର୍ଗେ ।
8 ବାରି, ମେଁ ଯିହୁଦାନେ ରକ୍ୟା ବାନେ ଜିନିସ୍ ତଚେ ଜଗ୍ତ୍ଲାଗ୍କେ ବାରି ଆତାନ୍ ଦିନ୍ ପେ କଣ୍ଡାନିଆ ଲେକ୍ନେ ଡୁଆବାନ୍ ଜୁଦ୍ ଡିଙ୍ଗ୍ନେ ଜିନିସ୍କେ ପେ ମ୍ମୁଆଃ ପେତ୍ଲାଗ୍କେ ।
9 ବାରି, ଦାଉଦ ଇନିନେ ପାଗ୍ଚିକ୍ନେ ଜାଗା ଆଣ୍ଡେଙ୍ଗ୍ ପେ ପେକେକେ । ପେ କୁଣ୍ଡ୍ନେ ଣ୍ଡିଆ ସାପା ମୁଇଂଡାଗ୍ରା ଆଡିଙ୍ଗ୍ଚେ ବୁନ୍ଦେ ଡୁଙ୍ଗ୍ପେପାଙ୍ଗ୍କେ ।
10 ପେଇଂ ଯିରୂଶାଲମନେ ଡୁଆ ସାପା ଏଜା ପେଡିଙ୍ଗ୍କେ ବାରି ତୁରାଃ ଡାଟ୍ ଆଡିଙ୍ଗ୍ ନ୍ସା ଡୁଆ ସାପା ପାକ୍ଚି ପେବିକେ ।
11 ବାରି ଡିଗ୍ ପେଇଂ ବାଉଇର୍କ୍ନେ କୁଣ୍ଡ୍ନେ ଣ୍ଡିଆ ରାସିଙ୍ଗ୍ ନ୍ସା ଇନିନେ ମ୍ୱାକ୍ଲିଗ୍ ତୁରାଃନେ ମଜେ ଜାଗାନ୍ୟା ମ୍ନା କୁଣ୍ଡ୍ ପେରାଃରେକେ । ପେଇଂ ନିଜର୍ ରକ୍ୟା ନ୍ସା ଏନ୍ ସାପା ପେଡିଙ୍ଗ୍କେ । ମାତ୍ରମ୍ ଜା ଆକେନ୍କେ ପୁରା ଡିଙ୍ଗ୍କେ ଆତାନ୍ ଆଃରେଣ୍ଡ୍ରେକେ ପେ ବିସ୍ବାସ୍ ପେଡିଙ୍ଗ୍କେ ଣ୍ଡୁ । ଗୁଲୁଏ ଜୁଗ୍ ସାଃଚେଃ ଜାଣ୍ଡେଃ ଏହେନ୍କେ ତିଆର୍ ଡିଙ୍ଗ୍କେ, ପେଇଂ ଆମେକେ ଆଲାଦ୍ ପେଡିଙ୍ଗ୍କେ ଣ୍ଡୁ ।
12 ତେସା ନେଙ୍ଗ୍ନେ ମାପ୍ରୁ ସର୍ବସକ୍ତିମାନ୍ ସଦାପ୍ରବୁ ରେମୁଆଁଇଂକେ ଅଃନେ ବାରି ଦୁକ୍, ବାଆଃ ଆଃକୁଆର୍ନେ ବାରି ନ୍ସାନିଆ ବାସ୍ତାନେ ପାଟାଇ ୱାଡ଼େଗ୍ନ୍ସା ବାସଙ୍ଗ୍କେ ।
13 ମାତ୍ରମ୍ କେଲାପା, ମେଇଂ ବାସଙ୍ଗ୍ ଆର୍ଙ୍କେ । "ଅରେଃ ବାରି ମେଣ୍ଡାଇଂକେ ଗୁଆଃପା । ଚିଲି ଚଙ୍ଗ୍ପା ବାରି ଅଙ୍ଗୁର୍ ରସ୍ ଉଗ୍ପା । ଏଲାପା, ଚଙ୍ଗ୍ଉଗ୍ଚେଃ ବେଲା ନେକାଟେପା ମେଃଡାଗ୍ଲା ଞ୍ଜଃଡ଼େ ନେଃ ନେଃଗୁଏଃ ।"
14 ସାପାଟୁ ବପୁନେ ମାପ୍ରୁ ନିଜେ ନେଙ୍ଗ୍ନେ ନ୍ଲୁଗ୍ନ୍ୟା ବାସଙ୍ଗ୍ ବକେ, "ପେଇଂନେ ପାପ୍ ଗୁଏଃ ଜାକ କେମା ପେବା ଣ୍ଡୁ ।" ନେଙ୍ଗ୍ନେ ମାପ୍ରୁ ସର୍ବସକ୍ତିମାନ୍ ସଦାପ୍ରବୁ ଏହେନେ ବାସଙ୍ଗ୍କେ ।
15 ନେଙ୍ଗ୍ନେ ମାପ୍ରୁ ସର୍ବସକ୍ତିମାନ୍ ସଦାପ୍ରବୁ ଏନ୍ ବାସଙ୍ଗ୍କେ, "ପେ ରାଜାନେ ବାଜାର୍ନିଆ ଲେକ୍ନେ ଗ୍ର ଶୀବ୍ନ ଡାଗ୍ରା ୱେଚେ ବାଃଲିର୍ପା ।"
16 "ନାଁ ଆକ୍ଡାଗ୍ରା ମେଁନି ଡିଙ୍ଗ୍ ନାଡିଙ୍ଗ୍କେ ? ବାରି ଆକ୍ଡାଗ୍ରା ନାଁନେ ଜା ଲ୍ଲେକେ ଜେ, ନାଁ ନିଜର୍ ନ୍ସା ମୁଇଂ ରାଚ୍ୟାନ୍ୟା କୁରୁ ଗଃନାଡିଙ୍ଗ୍କେ ?" ଯିଶାୟ ବାସଙ୍ଗ୍କେ, "ଆତାନ୍ ରେମୁଆଁକେ କେଲା । ମେଁ ଉଚା ଜାଗାନ୍ୟା ନିଜର୍ ନ୍ସା ରାଚ୍ୟାନ୍ୟା କୁରୁ ଗଃବକେ । ତାଲେବିର୍ନ୍ୟା ନିଜର୍ ନ୍ସା ବାସାନେ ଜାଗା ତିଆର୍ ଡିଙ୍ଗ୍ବକେ !"
17 କେଲା, ବିରନେ ନିୟାଇ ସଦାପ୍ରବୁ ସକ୍ତିରେ ଆନାକେ ଜଗ୍ତ୍ଲାଗ୍ବିଃଏ । ଅ, ମେଁ ଆପେକେ ଡାଟ୍ ସାଃଚେ ଜଗ୍ତ୍ଲାଗ୍ ବିଃଏ ।
18 ଡିଲାଡିଗ୍ ମେଁ ଆପେକେ ଡୁଡୁ ରକମ୍ ସାଃଚେ ଆଃପୁଏଚେଃ ବାରି ଆଃକିର୍ଚେଃ ମୁଇଂ ସମ୍ ଦେସ୍ନ୍ୟା ଜଗ୍ତ୍ଲାଗ୍ଏ । ଆତ୍ଡାଗ୍ରା ପେ ପେଗୁଏଃଏ ବାରି ଆତ୍ଡାଗ୍ରା ପେନେ ମଇମାନେ ରତ୍ ସାପା ଲେଃଏ, ପେ ପେନେ ମାପ୍ରୁନେ ଡୁଆନିଆ କଲଙ୍କ ରକମ୍ ପେଡିଙ୍ଗ୍ଏ ।
19 ବାରି ନେଙ୍ଗ୍ ଆପେକେ ନାନେ ଞ୍ଚବାନ୍ ନୁଆଁ ମ୍ୱିଏ ବାରି ମେଁ ଆପେକେ ପେନେ ଜାଗାବାନ୍ ଉର୍ଗୁଃ ରାଙ୍ଗ୍ପାଙ୍ଗ୍ଚେ ବୁନ୍ଦେ ଜଗ୍ତ୍ଲାଗ୍ଏ ।
20 ବାରି ଆତେନ୍ ଦିନ୍ ନେ ନିଜର୍ ଚାକର୍ ହିଲ୍କୀୟନେ ଉଂଡେ ଇଲୀୟାକୀମ୍କେ ନେୱାଏ ।
21 ଆତେନ୍ ଦିନ୍ ନେଙ୍ଗ୍ ପେନେ ପାଟାଇ ରାଙ୍ଗ୍ୱେଚେ ଆମେକେ ଣ୍ଡ୍ରାଃୱାଡ଼େଗ୍ଏ । ନେଙ୍ଗ୍ ନାନେ ସାସନ୍ ଅଦିକାର୍ ଆମେକେ ନେବିଏ । ତେସା ମେଁ ଯିରୂଶାଲମ ବାସାକ୍ନେ ରେମୁଆଁଇଂନେ ବାରି ଯିହୁଦା ବଂସନେ ଆବା ଡିଙ୍ଗ୍ଏ ।
22 ବାରି ନେଙ୍ଗ୍ ଦାଉଦ ବଂସନେ କୁଚିକାଡ଼ି ମେଁନେ ଜେବାନ୍ୟା ମ୍ୱଏ । ମେଁ କାପାଟ୍ ରଃଲା ଜାଣ୍ଡେ ବନ୍ଦ୍ ଆଡିଙ୍ଗ୍ ଆୱା ଣ୍ଡୁ । ବାରି ମେଁ ବନ୍ଦ୍ ଆଡିଙ୍ଗ୍ଲା ଜାଣ୍ଡେ ରଃ ଆୟା ଣ୍ଡୁ ।
23 ବାରି ନେଙ୍ଗ୍ ଆମେକେ କୁଟି ରକମ୍ ମୁଇଂ ଡାଟ୍ ଜାଗାନ୍ୟା ଆମେକେ ନେଡାଃଏ । ନେଙ୍ଗ୍ନେ ଆତାନ୍ ଚାକର୍ ନିଜର୍ ଆବା ବଂସନେ ମଇମାନେ ସିଂଆଁସନ୍ କଏ ।
24 ବାରି ରେମୁଆଁଇଂ ମେଁନେ ଆବା ବଂସନେ ସାପା ମଇମା, ଗଡ଼େଅ ଗଡ଼େଇଂ ବାରି ଚଙ୍ଗ୍ନେ ତାଲିବାନ୍ ଙ୍କୁଇ ଜାକ ସାପା ଡାଆଁନେ ଙ୍କୁଇ ମେଁ ଆଡ଼ାତ୍ର ଆୱେଃଜଙ୍ଗ୍ ବିଃଆର୍ଏ ।
25 ସାପାବାନ୍ ବପୁ ମାପ୍ରୁ ବାସଙ୍ଗ୍ଡିଂକେ, "ଆଣ୍ଡିନେ କୁଟି ଡାଟ୍ ଜାଗାନ୍ୟା ଡାଃବଆର୍କେ, ଆତେନ୍ ତେନ୍ ଦିନ୍ ଲେଃୱାର୍ ୱେଏ ବାରି ଆତାନ୍ ପିଗ୍ ପିଗ୍ଚେ ବୁନ୍ଦେ ଲଃଏ । ବାରି ମେଁ ଆଡ଼ାତ୍ରା ଲାଏଃକ୍ନେ ଅଜନ୍ ନସ୍ଟ ଡିଙ୍ଗ୍ଏ, ଡାଗ୍ଲା ସଦାପ୍ରବୁ ଏନ୍ ବାସଙ୍ଗ୍ବକେ ।"
/images/a/Tcg2NiV7ce24OT6kCIQGR)
/images/a/lTDTr17sdXbuk0Q46fQTo)