ଇଫ୍ରୟିମ ଆରି ଯିରୂଶାଲମନେ ବିଚାର୍
1 ଇଫ୍ରୟିମନେ ବୁସାଃ ଲାଏଃକ୍ନେ ରେମୁଆଁଇଂନେ ଆରି ଗର୍ବନେ ମୁକୁଟ୍ ତାଙ୍ଗ୍ଲେକ୍ନେ ରେମୁଆଁଇଂ, ଚୁଚୁ ଲାଏଃକ୍ନେ କଣ୍ଡା ଆଡ଼ାତ୍ରା ଲେକ୍ନେ ସୁନ୍ଦର୍କ୍ନେ ପାଟେଇ ରକମ୍ନେ ନ୍ସୁଆର୍ଲେକ୍ନେ ସାରି, କେଲାପା ପେନେ ଡଣ୍ଡ୍ ବୟଙ୍କାର୍ ।
2 କେଲାପା, ନେଙ୍ଗ୍ନେ ମାପ୍ରୁନେ ମୁଇଂଜା ବପୁଲେଃକ୍ନେ ବାରି ସାଆସ୍ ରେମୁଆଁ ଲ୍ଲେକେ । ମେଁ ଆରେଣ୍ଡ୍ୟାଃନେ ୱେଡ଼୍ୟାଃ ବାରି ବିନାସ୍ ଆଡିଙ୍ଗ୍ ବୁରାଣ୍ଡ୍ୟାଃ ଣ୍ଡିଆ ରକମ୍ ପାଙ୍ଗ୍ଏ, ଡାଟ୍ ବାବ୍ରେ ବନ୍ୟା ଣ୍ଡିଆ ରକମ୍ ଡୁଙ୍ଗ୍ଡ୍ୟା ପାଙ୍ଗ୍ଚେ ବପୁଲେଃକ୍ନେ ନ୍ତିରେ ଆମେକେ ତୁବନ୍ୟା ଜଗ୍ତ୍ଲାଗ୍ ବିଏ ।
3 ଇଫ୍ରୟିମନେ ବୁସାଃ ଲାଏଃକ୍ନେ ରେମୁଆଁଇଂନେ "ଗରବ୍ନେ ମୁକୁଟ୍" ଞ୍ଚ ବୁନ୍ଦେ ଟେଚା ଆର୍ଏ ।
4 କଣ୍ଡା ଆଡ଼ାତ୍ରା ଚୁଚୁ ଲାଏଃକ୍ନେ ମୁଇଂ କତ୍ ଜାଗାନ୍ନିଆ ଲାଏଃକ୍ନେ ମେଁନେ "ମୁକୁଟ୍ ରକମ୍ ସୁନ୍ଦର୍ ଦେସ୍ ନ୍ସୁଆର୍କ୍ନେ ସାରି ପାଲ୍ଟେ ୱେଏ ।" ଆତାନ୍ ଇନି ନ୍ନାସେଙ୍ଗ୍କିଗ୍ କେଲା ସିସେ ବ୍ଲେକ୍ନେ ଲିୱା ଚୁଚୁ ରକମ୍ ଡିଙ୍ଗ୍ଏ । ଜା ଆମେକେ କେଏ ଦାପ୍ରେ ଆମେକେ ରୁଏଃ ଚଙ୍ଗ୍ବିଃଏ ।
5 ଆତେନ୍ ଦିନ୍ ସାପାବାନ୍ ବପୁ ମାପ୍ରୁ ବାଃଗା ଲୁଆଁକ୍ନେ ରେମୁଆଁଇଂ ନ୍ସା "ଜାବର୍ ସୁନ୍ଦର୍ ମୁକୁଟ୍" ଆରି ମହିମାରେ ତାରାସ୍ ବିଃନେ ମୁକୁଟ୍ ରକମ୍ ଡିଙ୍ଗ୍ଏ ।
6 ଏନ୍ ଇଡ଼ିଙ୍ଗ୍ ସଦାପ୍ରବୁ ବିଚାର୍ ନ୍ସା ମ୍ନାରେନେ ଆରାତ୍ରା ବିଚାର୍ ଡିଙ୍ଗ୍ନେ ଆତ୍ମା ବାରି ଜାଣ୍ଡେଇଂ ଇନିନେ ଗାଲିନ୍ୟା ଜୁଦ୍ ନ୍ସା ଆଣ୍ଡେ ବିଃଆର୍ଏ ମେଇଂ ନ୍ସା ବପୁ ରକମ୍ ଡିଙ୍ଗ୍ଏ ।
ଯିଉଦାନେ ବୁସାରେଇଂନେ ବବିସତ୍ ବକ୍ତାଇଂ
7 ମାତ୍ରମ୍ ଏବେ ଆତାନ୍ ମ୍ନା ମ୍ନା ରେମୁଆଁ ଆଣ୍ଡେଙ୍ଗ୍ ଅଙ୍ଗୁର୍ ରସ୍ନ୍ୟା ବାୟା ଡିଙ୍ଗ୍ଲେ ଆର୍କେ ବାରି ଅନେଙ୍ଗ୍ଉ ବୁଃନେବାନ୍ ବିନ୍ ଗାଲି ୱେଆର୍ଙ୍କେ । ପୁଜାରି ବାରି ବବିସତ୍ ବକ୍ତା ଅନେଙ୍ଗ୍ଉ ବୁବୁଃନେ ବାନ୍ ବାୟା ଡିଙ୍ଗ୍ଲେଃଆର୍କେ । ଅଙ୍ଗୁର୍ରସ୍ ଆମେଇଂକେ ଡା ବିଃବକେ ବାରି ମେଇଂ ଅନେଙ୍ଗ୍ଉ ବୁଃନେ ବାନ୍ ବିନ୍ ଗାଲି ୱେଆର୍ଙ୍କେ । ମେଇଂ ଦର୍ସନ୍ କେକ୍ନେବାନ୍ ବାୟା ଡିଙ୍ଗ୍ଲେ ଆର୍କେ ବାରି ବିଚାର୍ ଡିଙ୍ଗ୍କେଲା ମେଇଂ ବୁଲ୍ ବିଚାର୍ ଡିଙ୍ଗ୍ମ୍ୟାଃକେ ।
8 ଡାଗ୍ଲା, ଟେବୁଲ୍ଅରିଆ ଲୁଆର୍କ୍ନେ ବର୍ତି ଡିଙ୍ଗ୍ଲେଃଏ । ବାରି ଆଣ୍ଡି ଡିଗ୍ ପର୍ଚଲ୍ ଜାଗା ଣ୍ଡୁ ।
9 ସଦାପ୍ରବୁ ଜ୍ଞାନ୍ ସିକ୍ୟା ବିଃନ୍ସା ଇକ୍ଚା ଡିଙ୍ଗ୍ଡିଂକେ । ବାରି ମେଁନେ ସୁସମାଚାର୍ ବୁଜେନ୍ସା ଇକ୍ଚା ଡିଙ୍ଗ୍ଡିଂକେ । ମାତ୍ରମ୍ ରେମୁଆଁଇଂ ତ୍ରାଃଡ଼୍ୟାଃ ବୁଃନେ ଚିର୍ଲାଃଅ ରକମ୍ ବୁଜେନ୍ସା ଇକ୍ଚା ଣ୍ଡୁ ।
10 ଡାଗ୍ଲା ଏନ୍ ତ ନିଅମ୍ ଆଡ଼ାତ୍ରା ନିଅମ୍, ନିଅମ୍ ଆଡ଼ାତ୍ରା ନିଅମ୍ । ଦାଡ଼ି ଆଡ଼ାତ୍ରା ଦାଡ଼ି, ଦାଡ଼ି ଆଡ଼ାତ୍ରା ଦାଡ଼ି, ଆକ୍ ଇତୁଡ଼ା, ଆତ୍ ଇତୁଡ଼ା ।
11 ମ୍ନିକେ ମାତ୍ରମ୍ ମେଁ ବିଦେସ୍ନେ ସାମୁଆଁ ବାସଙ୍ଗ୍ମ୍ୟାଃକେ ବାରି ବିନ୍ ବ୍ନାସାବାନ୍ ଏନ୍ ରେମୁଆଁଇଂକେ ସାମୁଆଁ ବାସଙ୍ଗ୍ଏ ।
12 ଅଃସେ ପର୍ମେସର୍ ଆମେଇଂକେ ବାସଙ୍ଗ୍ ବକେ "ଆକ୍ଡାଗ୍ରା ମୁଇଂ ପୁଣ୍ଡେନେ ଜାଗା ଲାଏଃକେ । ଏହେନେ ସାନ୍ତି ବାନେ ଜାଗାନ୍ୟା ଜାଣ୍ଡେଇଂ ପୁଣ୍ଡେନ୍ସାଃ ଚାଏଁପେଡିଙ୍ଗ୍କେ ପାଙ୍ଗ୍ଚେ ପୁଣ୍ଡେପା ।" ମାତ୍ରମ୍ ମେଇଂ ଅଁନ୍ସା ଇକ୍ଚା ଆଡିଙ୍ଗ୍ ଆର୍କେ ଣ୍ଡୁ ।
13 ତେସା ମାପ୍ରୁନେ ସାମୁଆଁ ବିଦେସି ବ୍ନାସାରେ ବାସଙ୍ଗ୍ଏ । ନିଅମ୍ ଆଡ଼ାତ୍ରା ନିଅମ୍, ନିଅମ୍ ଆଡ଼ାତ୍ରା ନିଅମ୍ । ଦାଡ଼ି ଆଡ଼ାତ୍ରା ଦାଡ଼ି, ଦାଡ଼ି ଆଡ଼ାତ୍ରା ଦାଡ଼ି । ଆକ୍ ଇତୁଡ଼ା ଆତ୍ ଇତୁଡ଼ା । ଡାଗ୍ଲା ରେମୁଆଁଇଂ ଇକ୍ଚା ଅନୁସାରେ କାମ୍ ଡିଙ୍ଗ୍ ଆର୍କେ । ତେସା ମେଇଂ ପ୍ଲାପାକା ଲଃଚେ ନସ୍ଟ ଡିଙ୍ଗ୍ୱେଏ । ମେଇଂ ପାନ୍ଦ୍ନ୍ୟା ଲଃଆର୍କେ ବାରି ଦାରାପଡ଼େଆର୍ଏ ।
ସିୟୋନନେ କନ୍ନେ ବ୍ରି
14 ଅ ଯିରୂଶାଲମନେ ରେମୁଆଁଇଂନେ ସାସନ୍ ଡିଙ୍ଗ୍ଣ୍ଡ୍ରେ ନିନ୍ଦା ଡିଙ୍ଗ୍ଣ୍ଡ୍ରେ, ପେଇଂ ମାପ୍ରୁନେ ସାମୁଆଁ ଦ୍ରିଗ୍ପା ।
15 ପେଇଂ ବାସଙ୍ଗ୍ ପେବକେ, "ନେ ଗୁଏଃନେ ଏଃତେ ରାଜିନାମା ଡିଙ୍ଗ୍ନେବକେ ବାରି ପାତାଲ୍ ଏତେ ନିଅମ୍ ଡିଙ୍ଗ୍ନେବକେ । ତେସା ଣ୍ଡିଆ ବୁରାଣ୍ଡ୍ୟାଃ ରକମ୍ନେ କୋରଡ଼ା ନେଇଂନେ ଡାଗ୍ରା ଆପାଙ୍ଗ୍ ଣ୍ଡୁ । ଡାଗ୍ଲା ନେ ମିଚ୍କେ ସପଟ୍ ଡିଙ୍ଗ୍ ନେବକେ ବାରି ସତ୍ଣ୍ଡୁନେ ଆଲ ନେ ବୁଡ଼ି ନେଲେକେ ।"
16 ଏହେନ୍ସା ନେଙ୍ଗ୍ନେ ମାପ୍ରୁ ସଦାପ୍ରବୁ ବାସଙ୍ଗ୍ଏ, "କେଲାପା, ନେଙ୍ଗ୍ ସିୟୋନନେ ମୁଇଂ ପାଣ୍ଡୁସନ୍ ବ୍ରି ତିଆର୍ ଣ୍ଡିଙ୍ଗ୍ଏ, ଏନ୍ ମୁଇଂ ପରିକ୍ୟା ଡିଙ୍ଗ୍କ୍ନେ ବ୍ରି ବାରି ଜାବର୍ ଦାମ୍ କନ୍ନେ ବ୍ରି । ଏହେନେ ଆଡ଼ାତ୍ରା ସାପା କିଚି ଦାଇତ୍ ଲେଃକେ କଣ୍ଡା ଆଡ଼ାତ୍ରା ତିଆର୍ ଡିଙ୍ଗ୍ଏ । ଜାଡିଗ୍ ଏହେନେ ବ୍ରି ଆଡ଼ାତ୍ରା ବିସ୍ବାସ୍ ବଏ ମେଁ ଆଗିୟାସ ଣ୍ଡୁ ।
17 ରେମୁଆଁ କୁନ୍ତି ସିଦା ଡିଙ୍ଗ୍କ୍ଲେ ଣ୍ଡୁ ଆତେନ୍ ମ୍ୟାନ୍ସା ଡିରକମ୍ ଉଲୁମ୍ ବେବଆର୍ ଡିଙ୍ଗ୍ଆର୍ଏ, ନେଙ୍ଗ୍ ଦେତ୍ରକମ୍ ସତ୍ ତିଆର୍ ଡିଙ୍ଗ୍ନ୍ସାଃ ନ୍ୟାୟ୍ ବାରି ଦରମ୍କେ ତିଆର୍ ଣ୍ଡିଙ୍ଗ୍ଏ । ବାରି ଆରେଣ୍ଡିଆଃ ମିଚ୍ ରୁପ୍ ଲାଏଃକ୍ନେ ରେମୁଆଁଇଂକେ ନାସ୍ ଆଡିଙ୍ଗ୍ଏ । ଆକେନ୍ ମିଚ୍ ରକମ୍ ଜାଗାକେ ବୁରାଣ୍ଡ୍ୟାଃ ଏତେ ନସ୍ଟ ଆଡିଙ୍ଗ୍ଏ ।
18 ବାରି, ଗୁଗୁଏଃନେ ଏତେ ପେଇଂନେ ଡିଙ୍ଗ୍ପେବକ୍ନେ ନିଅମ୍ ପାକ୍ଚି ୱେଏ ଆରି ପାତାଲ୍ ଏଃତେ ପେନେ ସନ୍ଦି ସମାନ୍ ବାବ୍ରେ ଆଃଲେଣ୍ଡୁ । ୱେଡ଼୍ୟାଃଗୁର୍ୟାଃ ସାଃଚେ ପାଙ୍ଗ୍ଡିଙ୍ଗ୍କ୍ନେ ରକମ୍ ମୁଇଂ କୋରଡ଼ା ପାଙ୍ଗ୍ନେ ବେଲା ପେ ଆତେନ୍ବାନ୍ ଲଗ୍ଡ୍ୟାଃ ପେୱେଏ ।
19 ଆତେନ୍ ଉଃଡ଼ିପର୍ ପାଙ୍ଗ୍ଏ, ଅଃତେନ୍ପର୍ ଆପେକେ ସାଃଏ । ମେଃଡାଗ୍ଲା ଞ୍ଜିର୍ନୁଗ୍ ବେଲା ଞ୍ଜିର୍ନୁଗ୍, ମିଡିଗ୍ ବାରି ଲମ୍ଡିଗ୍ ବେଲା ଆତେନ୍ ପାଙ୍ଗ୍ଏ । ବାରି ଆତେନ୍ ନିମାଣ୍ଡା ସାମୁଆଁକେ ବୁଜେ ନ୍ସାଃ ଆତାନ୍ ବେଲା ପେ ବେସି ପେବ୍ଟଏ ।
20 ଆପେକେ ଡାନ୍ସା, ପେ ବେଃନେ ସିଙ୍ଗ୍ଲା ଡାଆଁ ଡିଙ୍ଗ୍ଏ । ଆଣ୍ଡିନେ ଡିଗ୍ ତଗ୍ରିୟାଃ ଆପେକେ ଡାନ୍ସା ଆୟା ଣ୍ଡୁ ।"
21 ସଦାପ୍ରବୁ ପରାସୀମ କଣ୍ଡାନ୍ୟା ତଡ଼୍ୟାକେ ରକମ୍ ତଃଡ଼୍ୟାଃଏ । ଗିବିୟୋନନେ କଣ୍ଡା ଆଲ ଡିରକମ୍ ରିସା ଡିଙ୍ଗ୍ଲେଃକେ, ଦେତ୍ରକମ୍ ରିସା ଡିଙ୍ଗ୍ଏ । ଆତାନ୍ ବେଲା ମେଁ ଡିଙ୍ଗ୍ନେ କାମ୍ ଆରି ମେଁନେ ଇରିୟାତୁଗ୍ନେ କାମ୍ ସମାନ୍ ଆଡିଙ୍ଗ୍ଏ । ଆରି ମେଁନେ ବେପାର୍ ଆରି ମେଁନେ କାବା କାମ୍ ବିନ୍ ଦେସ୍ନେ କାମ୍କେ ପୁରା ଆଡିଙ୍ଗ୍ଏ ।
22 ଏବେ ବାରି ପେଇଂ ନିନ୍ଦା ଆଡିଙ୍ଗ୍ନେ ରେମୁଆଁ ସୁଗୁଆ ଆଡିଙ୍ଗ୍ପା । ଜଦି ପେ ଆତାନ୍ ପେଡିଙ୍ଗ୍ଏ, ପେନେ ପିତୁର୍ପାକା ଲାଏଃକ୍ନେ ପାନ୍ଦ୍ ଡାଟ୍ ଡିଙ୍ଗ୍ଏ । ଡାଗ୍ଲା ସର୍ବସକ୍ତିମାନ୍ ମାପ୍ରୁନେ ସାମୁଆଁ ନେ ମେଃନେ ଅଁନେଲାଏଃକେ, ଆତାନ୍ ବେକାର୍ ଆଡିଙ୍ଗ୍ ଣ୍ଡୁ । ଡିଲାଡିଗ୍ ମେଁ ସାପା ମଚ୍ପୁର୍ନେ ସାସନ୍ କର୍ତା, ମେଁନେ କାମ୍ ଡିଲାଡିଗ୍ ପୁରନ୍ ଆଡିଙ୍ଗ୍ଏ । ବାରି ମେଁ ସାପା ମଚ୍ପୁର୍କେ ଦଂସ ଆଡିଙ୍ଗ୍ଏ ।
ମାପ୍ରୁନେ ଗିଆନ୍
23 ପେଇଂ ମନ୍ଦ୍ୟାନ୍ ବିଃଚେ ନେନେ ସାମୁଆଁ ଆଡ଼ାତ୍ରା ଦ୍ୟାନ୍ ବିଃପା ବାରି ଅଁପା ।
24 ଚାସ୍ଡିଙ୍ଗ୍ଣ୍ଡ୍ରେ ମୁଞ୍ଜି ବିଗ୍ ନ୍ସାଃ ମେଃନେ ଦିନ୍କେ ସିଏ ? ମେଁ ମେଃନେ ଦିନ୍କେ ସିଚେଃ ନିଜର୍ ଲିଜନ୍ୟା କିଡ଼ିଲଃ ଟୁପ୍ୟାଃଏ ?
25 ଚାସ୍ ଡିଂଣ୍ଡ୍ରେ ଲିଜନେ ତୁବକେ ସମାନ୍ ଆଡିଙ୍ଗ୍କ୍ନେ ଇଡ଼ିଙ୍ଗ୍ ବିନ୍ବିନ୍ ରକମ୍ନେ ମୁଞ୍ଜି ବିନ୍ବିନ୍ ରକମ୍ ବିଗ୍ ବିଃଏ । ଏଡ଼େଃ ଜିରା ବିଗ୍ ବିଃଏ ବାରି ଜିରା ବିଗ୍ ବିଃଏ । ଦାଡ଼ି ଦାଡ଼ି ଡିଙ୍ଗ୍ଚେ ଗହମ୍ ବାରି ସମାନ୍ ବେଲା ଆତେନ୍ ଜାଗାନ୍ନିଆ କୁଆଜନା ବାରି ଲିଜନେ ଏରିଆନିଆ ଜନା ବିଗ୍ ବିଃଏ ।
26 ନେନେ ମାପ୍ରୁ ପର୍ମେସର୍ ଆପେକେ ଗ୍ୟାନ୍ ବିଃନ୍ସା ଦେକ୍ରକମ୍ ଡିଙ୍ଗ୍ଡିଂକେ । ମେଁ ଆନେକେ ଏହେନେ ଉସ୍ରା ଆଃସୁଏଃଚେଃ ନିମାଣ୍ଡା ବାବ୍ରେ ରେମୁଆଁଇଂକେ ଗ୍ୟାନ୍ ବିଃଡିଙ୍ଗ୍କେ ।
27 ଚାସ୍ ଡିଂଣ୍ଡ୍ରେ ମେଁନି ଏଡ଼େଃ ଜିରାକେ ଆଣ୍ଡିନେ ଡିଗ୍କ୍ନେ ବ୍ରିନ୍ୟା ରେତେଏ ? ମେଁ ମେଃନି ଜିରା ୱେଃନେ ନ୍ସାଃ କିଆ ଲେନେ ଶଗଡ଼୍ ଚକ୍ ଆଃକିର୍ଏ ? ମେଁ ଡୁଡୁ ବେବଆର୍ ଡିଙ୍ଗ୍ଚେ ଆମେଇଂକେ ଟୁବାର୍ଆର୍ଏ ।
28 ରୁଟି ତିଆର୍ ଡିଙ୍ଗ୍ନେ କିଆଉଁଆଃକେ ଗୁଣ୍ଡ୍ ଆଃଡିଙ୍ଗ୍ମ୍ୟାଃକେ । ମେଃଡାଗ୍ଲା ମେଁ କାଲାଆଃ ଆତେନ୍ ଆଉଃ ଣ୍ଡୁ । ଆରି ଜଦି ଆମେକେ ଶଗଡ଼୍ ଚକା ଆରି ମେଁନେ ଗଡ଼ାଇଂ ଆତେନ୍ ଚିନ୍ଚତର୍ ଆଃଡିଙ୍ଗ୍ଏ, ଏଲେଡିଗ୍ ମେଁ ଆତେନ୍ ଗୁଣ୍ଡ୍ ଆରାଃଡିଙ୍ଗ୍ ଣ୍ଡୁ ।
29 ଆକେନ୍ ସର୍ତେ ସାପାବାନ୍ ମ୍ନା ମାପ୍ରୁ ବାନ୍ ଡିଙ୍ଗ୍ଏ । ମେଁ ଉପାୟ୍ରେ ଇରିୟାଃତୁଗ୍ ରକମ୍ନେ ଆରି ଗିଆନ୍ ରେମୁଆଁ ମ୍ନା
/images/a/Tcg2NiV7ce24OT6kCIQGR)
/images/a/lTDTr17sdXbuk0Q46fQTo)