ବୟାଁଇଂକେ ଯୋଷେଫ ସାନ୍ତି ବିନେ
15 ଯାକୁବ ଗୁଏକ୍ନେ ଇଡ଼ିଙ୍ଗ୍, ଯୋଷେଫନେ ବୟାଁଇଂ ତେରେପେତେ ଡିଙ୍ଗ୍ଆର୍କେ । ମେଇଂ ବୁଟମେଗ୍ ଆର୍କେ ଜେ ସେନୁଗ୍ ନେ ଯୋଷେଫକେ ଡିରକମ୍ ଡିଙ୍ଗ୍ନେବକେ । ମେଇଂ ବାସଙ୍ଗ୍ଆର୍କେ, "ଯୋଷେଫ ଆନେକେ ଇଞ୍ଚେଏ, ବାରି ମେଁନେ ବାଦୁଲ୍ ଆନେକେ ବିଏ ।" 17 ଯୋଷେଫକେ ବାଲିର୍ପା, "ନାବୟାଁଇଂ ନାଁ ଆଡ଼ାତ୍ରା କରାପ୍ କାମ୍ ଡିଙ୍ଗ୍ବଆର୍କେ । ମାତର୍ ନାଁ ଦୟା ଡିଙ୍ଗ୍ଚେ ଆମେଇଂକେ ଆତେନ୍ ଅଦରମ୍ ବାରି ପାପ୍ କେମା ଡିଙ୍ଗ୍ ।" ଏନ୍ସା ନେ କୁସାମୁତି ଡିଙ୍ଗ୍ନେଡିଙ୍ଗ୍କେ, ନାଁ ପେମ୍ବାନେ ପର୍ମେସର୍ନେ ଚାକର୍ଇଂକେ ଅଦରମ୍ କେମା ଡିଙ୍ଗ୍ । ମେଇଂ ଏନ୍ ବାଲିର୍ନେ ବେଲା ଯୋଷେଫ ଅଃନେ ମୁଲେଃକେ ।
19 ଏନ୍ ଇଡ଼ିଙ୍ଗ୍ ଯୋଷେଫ ଆମେଇଂକେ ବାସଙ୍ଗ୍କେ, "ଆବ୍ଟଗେପା । ନେଙ୍ଗ୍ ପର୍ମେସର୍ ଣ୍ଡୁ । ନେଙ୍ଗ୍ନେ ଡଣ୍ଡ୍ ବିନେ ଅଦିକାର୍ ଣ୍ଡୁ । 20 ଏନ୍ ସତ୍ ଜେ ପେଇଂ ନେଙ୍ଗ୍ ବିରଦ୍ରେ କରାପ୍ ଚିନ୍ତା ଡିଙ୍ଗ୍ପେବକେ । ମାତର୍ ସତ୍ରେ ପର୍ମେସର୍ନେ ଚିନ୍ତା ନିମାଣ୍ଡା ଲେଃଗେ । ପର୍ମେସର୍ ଚିନ୍ତା ଡିଙ୍ଗ୍ବକେ ଜେ ମେଁ ନେଙ୍ଗ୍ ବାନ୍ ଜାବର୍ ଜିବନ୍ ରକ୍ୟା ଡିଙ୍ଗ୍ଏ । ବାରି ଆତେନ୍ସା ଦେକ୍ରକମ୍ ଡିଙ୍ଗ୍କେ । 21 ତେସା ଆବ୍ଟଗେପା । ନେଙ୍ଗ୍ ପେନେ ବାରି ପେ ଉଂଣ୍ଡେଇଂନେ ଜତନ୍ ଣ୍ଡିଙ୍ଗ୍ଏ ।" ଦେକ୍ରକମ୍ ଯୋଷେଫ ମେଁନେ ବୟାଁଇଂ ନିମାଣ୍ଡା ବ୍ନାସା ବାସଙ୍ଗ୍ଆର୍କେ । ଦେକ୍ରକମ୍ ବ୍ନାସାରେ ମେଁ ମେଁନେ ବୟାଁଇଂକେ ସାନ୍ତି ଆଡିଙ୍ଗ୍କେ ।