ରେମୁଆଁଇଂନେ କରାପ୍ କାମ୍
1 ଦେକ୍ରକମ୍ ଉଃଡ଼ିବେଲା ମଚ୍ପୁର୍ନ୍ୟା ରେମୁଆଁଇଂନେ ସଂକ୍ୟା ଜାବର୍ ଡିଂନେ ଲାଗେକେ ଆରି ମେଇଂନେ ଗୁଲୁଏ ସେଲାମ୍ବଃଅ ଜନମ୍ ଡିଙ୍ଗ୍ଆର୍କେ; 2 ଅଃତେନ୍ବେଲା ପର୍ମେସର୍ନେ ଉଂଡେଇଙ୍ଗ୍ ରେମୁଆଁଇଂନେ ସେଲାମ୍ବଃଅଇଂକେ ସୁନ୍ଦର୍ କେଚେ, ମେଇଂ ଆଜାକେ ଇକ୍ଚା ଡିଂଆର୍କେ, ତେନ୍ ସାପାରେନେ ବିତ୍ରେବାନ୍ ବିବା ଡିଂଆର୍କେ । 3 ତେଲା ମାପ୍ରୁ ବାସଙ୍ଗ୍କେ, ନେନେ ଆତ୍ମା ରେମୁଆଁ ବିତ୍ରେ କାଲାଆଃ ଆଜାର୍ ଣ୍ଡୁ, ମେଃଡାଗ୍ଲା ମେଇଂନେ ବିପଦ୍ ଗାଲି ଅଲେଙ୍ଗ୍ନେନ୍ନିଆ ମେଇଂ ଚିଲି ମାତର୍; ଏନ୍ସାଃ ମେଇଂନେ ବେଲା ଶହେ କୁଡ଼ିଏ ମୁଆଁ ଡିଂଏ । 4 ଆତେନ୍ ବେଲା ମଚ୍ପୁର୍ନ୍ୟା ମ୍ନା ମ୍ନା ରେମୁଆଁଇଂ ଲେଃଆର୍ଗେ; ବାରି ତେନ୍ ଇଡ଼ିଂ ପର୍ମେସର୍ନେ ଉଂଡେଇଂ ରେମୁଆଁଇଂନେ ସେଲାଇଂ ଏଃତେ କୁଡ଼େଃମାଡ଼େଃ ଆର୍କେ, ମେଇଂନେବାନ୍ ଗଡ଼େଇଂ ଜନମ୍ ଡିଂଆର୍କେ; ମେଇଂ ଡିଗ୍ ଅଃସେ କାଲ୍ନେ ଜନାସୁନା ବୀର ଲେଃଗେ ।
5 ଆରି ମାପ୍ରୁ କେକେ ଜେ, ମଚ୍ପୁର୍ନ୍ୟା ରେମୁଆଁଇଂନେ ପାପ୍ ଜାବର୍ ଡିଂୱେଗେ, ଆରି ମେଁନେ ମନ୍ନେ ବାବ୍ନାନେ ସାପା ଚିନ୍ତା କାଲାଆଃ କାରାପ୍ ମାତର୍ । 6 ଏନ୍ସାଃ ମାପ୍ରୁ ମଚ୍ପୁର୍ନ୍ୟା ରେମୁଆଁକେ ଆଃରେକ୍ନେ ନ୍ସାଃ ଅନୁତାପ୍ ଡିଂଚେ ମନ୍ ବିତ୍ରେ ଦୁକ୍ ଡିଂକେ । 7 ତେସା ମାପ୍ରୁ ବାସଙ୍ଗ୍କେ, ନେଙ୍ଗ୍ ସାପା ରେମୁଆଁଇଂକେ ଦଂସ ଡିଙ୍ଗ୍ମ୍ୱିଏ; ଆଣ୍ଡିନେ ନେଙ୍ଗ୍ ତିଆର୍ ଡିଙ୍ଗ୍ମ୍ୱକେ, ନେଙ୍ଗ୍ ସାପା ରେମୁଆଁ, ପସୁ ବାରି ସାପା ତୁବନ୍ୟା ଅଲେଙ୍ଗ୍ନେ ପ୍ରାନିଇଂକେ ଦଂସ ଡିଙ୍ଗ୍ମ୍ୱିଏ । ବାରି ତ୍ରିଗ୍ଡ୍ୟାନେ ସାପା ପ୍ଲିଗ୍ ବଂସକେ ଡିଗ୍ ଦଂସ ଡିଙ୍ଗ୍ମ୍ୱିଏ । ମେଃନ୍ସାଡାଗ୍ଲା କ୍ମେଇଂକେ ତିଆର୍ ଡିଙ୍ଗ୍ଚେ ନେଙ୍ଗ୍ ଦୁକ୍ ଡିଂଣ୍ଡିଂକେ ।" 8 ମାତର୍ ନୋହ ମାପ୍ରୁନେ ମ୍ମୁଆଃନ୍ୟା ଅନୁଗ୍ରହ ବାଆର୍କେ ।
ନୋହନେ ଉଃସ୍ରା
9 ଏନ୍ ନୋହନେ ବଂସକୁଲ୍ ଲେଃଗେ । ନୋହ ମୁଇଂ ଦରମ୍ ରେମୁଆଁ ଲେଃଗେ ବାରି କାଲାଆଃ ପର୍ମେସର୍ନେ ଗାଲି ଅଲେଙ୍ଗ୍କେ ।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)