Gênesis 10

Wu’v’yalwa wamwa Nowa

1 I’yi' hu' mmola ya v’ana v’amwa Nowa na wu’v’yalwa wav’o. Ku’fuma aho yav’i’taga kamilamasenga, Shemu, Yafeti na Hamu haho v’apandi’kaga v’ana.

2 V’ana v’a ki’gosya v’amwa Yafeti v’av’age: Gomeli, Magogu, Madai, Yavani, Tubali, Mesheki na Tilasi. 3 V’ana v’a ki’gosya v’amwa Gomeli v’av’age: Ashikenazi, Lifati na Togama. 4 V’ana v’a ki’gosya v’amwa Yavani v’av’age: Elisha, Talishishi, Kitimu na Dodanimu. 5 Ku’fumi’i’la ku' wu’v’yalwa wamwa Yavani, v’antu' v’asambalaga ku' mpwani mu nsi' zyav’o, ki’la v’ene na ki’yombele chav’o, magongo gav’o na makabi’la gav’o.

6 V’ana v’a ki’gosya v’amwa Hamu v’av’age: Kushi, Misili, Putu na Kanaani. 7 V’ana v’a ki’gosya v’amwa Kushi v’av’age: Seba, Havila, Sabuta, Laama na Sabuteka. V’ana v’a ki’gosya v’amwa Laama v’av’age: Sheba na Dedani. 8 Hangi' Kushi wapandi’kaga mwana yu’ngi', lina lyakwe Nimulodi. Mwenu’yu' hu' wav’age mukowozi wa kwandya mu welelo. 9 Gu’ku' Mulungu wamuwonaga ku’v’a ali' na wu’kowozi wu’hanya wa ku’v’enda ndimu. Ku’nguno yeni’yo v’antu' v’ali’yomba, "Muntu' mwenu’yu' ali' ki’ti' Nimulodi, mukowozi muhanya wa ku’v’enda ndimu ha mbele ya minso gamwa Gu’ku' Mulungu."

10 Mbu’ki' ya wu’temi wakwe walamuli’laga ku' kaya zya Babele, Eleki, Akadi na Kaline mu lwandi' lwa Shinali. 11 Nimulodi aho wafumaga kwenu’ko, wasami’laga ku' lwandi' lwa Ashulu, nako wazyengaga kaya zya Ninawi, Lehoboti-ili, Kala 12 na Leseni, hu' yav’age hagati' ya Ninawi na Kala, na lyeni’lo hu' li’kaya ihanya.

13 Misili wav’age sav’o lya V’aludi, V’aanamu, V’alehabi, V’anafutuhi, 14 V’apatulusi, V’akafutoli na V’akasuluhi, na v’enav’o hu' nfumi’i’lo ya V’afilisiti.

15 Kanaani wav’age ise wamwa Sidoni, muv’yalwa wakwe wa mbele, na Heti. 16 Hangi' hu' mwene gu’ku' wav’o na V’ayebusi, V’aamoli, V’agiligashi, 17 V’ahivi, V’aaliki, V’asini, 18 V’aalivadi, V’asemali na V’ahamati. Ha itungo lya mbele magongo ga V’akanaani gasambalaga. 19 Lu’v’i’mbi' lwa V’akanaani lwandi’zyaga ku’fuma Sidoni ku' nzi’la ya Gelali mpaka Gaza, hangi' ku’v’i’ti’la nzi’la ya Sodoma, Gomola, Adima na Seboimu mpaka Lasha.

20 V’enav’o hu' v’ana v’a ki’gosya v’amwa Hamu ku' magongo gav’o, viyombele vyav’o, makabi’la gav’o na nsi' zyav’o.

21 Shemu, muku’lu’ye na Yafeti, u’yo wav’age gu’ku' wa v’ana v’ose v’amwa Ebeli, wapandi’kaga v’ana. 22 V’ana v’a ki’gosya v’amwa Shemu v’av’age: Elamu, Ashulu, Alifakisadi, Ludi na Alamu. 23 V’ana v’a ki’gosya v’amwa Alamu v’av’age: Usi, Huli, Geteli na Mashi. 24 Alifakisadi wav’age ise wamwa Sela, na Sela wapandi’kaga mwana lina lyakwe Ebeli. 25 Ebeli wapandi’kaga v’ana v’a ki’gosya v’av’i’li'. Mwane wa mbele wamupaga lina Pelegi,*10:25 Lina "Pelegi" ku' Ki’ebulania nguno yayo "kwigawu’la." ku’nguno ha itungo lyeni’lo welelo yasangwa yi’li’wigawu’la, na wa wu’v’i’li' witanagwe Yokitani. 26 Yokitani wapandi’kaga v’ana v’a ki’gosya: Alimodadi, Shelefu, Hasalimaweti, Yela, 27 Hadolamu, Uzali, Dikila, 28 Obali, Abimaeli, Sheba, 29 Ofili, Havila na Yobabu. V’enav’o v’ose v’av’age v’ana v’amwa Yokitani. 30 Wikalo wav’o wav’age ku’fuma ku' lwandi' lwa Mesha mpaka ku' Sefali ku' ngu’lu' zya mu ki’ya.

31 V’enav’o hu' v’ana v’a ki’gosya v’amwa Shemu ku' magongo gav’o, viyombele vyav’o, makabi’la gav’o na nsi' zyav’o.

32 V’enav’o hu' magongo ga v’ana v’amwa Nowa, ku' wu’v’yalwa wav’o na makabi’la gav’o. Ku' v’enav’o v’antu' v’a ki’la kabi’la v’ingi’haga mu welelo ku’fuma aho yav’i’taga kamilamasenga.