1 ଦମ୍ମେସକ ବିସ୍ରେନି ବେଣ୍‌ବାକ୍‌ଣାୟ୍‌କିନାକା ହୁଡ଼ାଟ୍‌, ଦାମାସ୍‌କସ୍‌ ଆରେ ଗାଡ଼୍‌ ଆୱାଦାଂ ମାନ୍‌ଗୁତ୍‌, ହେଦାଂ ଗାର୍‌ନି ଗାଦା ଆନାତ୍‌ । 2 ଅରୟରନି ଗାଡ଼୍‌ ସବୁ ପିସ୍ତାର୍ଣ୍ଣା; ହେ ସବୁ ପସ୍‌କୁ ମାନ୍ଦା କାଜିଂ ଆନାତ୍‌, ହେୱାର୍‌ ହେବେ ହୁଞ୍ଜୁନାର୍‌, ଆରେ ଇନେର୍‌ ହେୱାରିଂ ପାଣ୍ଡ୍ରୁ କିଦେଂ ଆଡୁର୍‌ । 3 ଆରେ, ଇପ୍ରୟିମତାଂ ଦେହା ଆରି ଦାମାସ୍‌କସ୍‌ତାଂ ରାଜି ଆରି ଅରାମ୍‌ତି ଲଡ଼ାନିକା ଚର୍‌ ହାନାତ୍‌; ସାଇଜ କାରିୟା ନିତ୍ରେମାପ୍ରୁ ଇନାନ୍‌, "ହେ ସବୁ ଇସ୍ରାଏଲ୍‌ ହିମ୍‌ଣାଂ ଗାଜା ଜାଜ୍‌ମାଲ୍‌ ଲାକେ ଆନାତ୍ । 4 ଆରେ, ହେ ଦିନ୍‌ତ ଜାକୁବ୍‌ତି ଜାଜ୍‌ମାଲ୍‌ ଉଣା କିୟାନାତ୍‌ ଆରି ତା ଗାଗାଡ୍‌ନି ସାକ୍ତି ଉଣା ଆନାତ୍‌; 5 ଆରେ, ଇନେସ୍‌କି ତାସ୍‌ ତ୍ରେସ୍‌ନି ମାନାୟ୍‌ ବୁମିନି ତାସ୍‌ ରୁଣ୍ଡାୟ୍‌ କିନି ୱେଡ଼ାଲିଂ ଆରି ତା କେଇ ଜିକି ତ୍ରେସ୍‌ନିହିଂ, କି ଇନେସ୍‌କି ଇନେର୍‌ ରପାୟିୟ ତାରେନ୍‌ବୁଇଁତ ଆର୍‌ତି ଜିକି କଡ଼ଜାପେଜ଼ନି ୱେଡ଼଼ାଲିଂ ଆନାତ୍‌, ହେ ଲାକେ ଆନାତ୍‌ । 6 ଆତିସ୍‌ପା ଜିତ୍‌ମାର୍‌ନି ପାଡ଼୍‌ ଡ଼ାତ୍‌ତି ଅତି ପାଚେ ଇନେସ୍‌କି ତା ଜପ୍‌ଣି କେନ୍ଦାତ ରି ତିନ୍‌ ଗଟା ପାଡ଼୍‌ ଆରି ପାଡ଼୍‌ୱାନି ମାର୍‌ନି ବାର୍‌ତି କେନ୍ଦାତ ଚାରି ପାଞ୍ଚ୍‌ ଗଟା ପାଡ଼୍‌ ମାନାତ୍‌," ହେ ଲାକେ ତାଦାଂ ଅଲପ୍‌ ମାନାତ୍‌, ଇଦାଂ ନିତ୍ରେମାପ୍ରୁ ଇସ୍ରାଏଲ୍‌ନି ପରମେସ୍ୱର୍‌ ଇନାନ୍‌ । 7 ହେ ଦିନ୍ତ ମାନାୟ୍‌ ଜାର୍‌ ଉବ୍‌ଜାଣ୍‌ କାରିୟାତି କାଜିଂ ହୁଡ଼୍‌ଦାନାନ୍‌ ଆରି ତା କାଣ୍‌କୁ ଇସ୍ରାଏଲ୍‌ନି ପୁଇପୁୟାଇସ୍ୱର୍ ହୁଡୁଦାନାନ୍‌ । 8 ଆରେ, ହେୱାନ୍‌ ଜାର୍‌ କେଇଦାଂ ରଚ୍‌ଚି ପୁଜାଗାର୍‌ଣି ମୁମ୍‌ଦ ହୁଡ଼ୁଦେର୍‌, କି ଜାର୍‌ ୱାଚ୍‌କାଂତାଂ ରଚ୍‌ଚି ଆସେରା ପୁତ୍‌ଡ଼ା କି ୱେଡ଼଼ା ପୁତ୍‌ଡ଼଼ାଂସବୁ କାଜିଂ ନଞ୍ଜର୍ ଇଟୁର୍‌ । 9 ହେ ଦିନା ତାଦାଂ ଦେହା ଗାଡ଼୍‌ସବୁ ଇସ୍ରାଏଲ୍‌ ହିମ୍‌ଣାଙ୍ଗ୍‌ନି ପାଣ୍ଡ୍ରୁତ ହନ୍‌ଚି ଆରି ମାଡ଼ିନି ଜପ୍‌ଣି ବାହାତ ଆଲେଂ ବାର୍ତି ବାହା ଲାକେ ଆନାନ୍‌ ଆରି ଦେସ୍‌ ବୁଡାନାତ୍‌ । 10 ଇନାକିଦେଂକି ଏପ୍‌ ଜାର୍‌ ମୁକ୍‌ଡ଼ାୟ୍‌କିଦ୍‌ନି ପର୍‌ମେସ୍ୱର୍‌ତିଂ ବାଣାତାଦେର୍‌ନା ଆରି ଜାର୍‌ ସାକ୍ତି ଲାକେ ହୁଞ୍ଜ୍‌ନି ବିସ୍ରେ ମାନ୍‌ଦିୟାନ୍‌ ଆଉଦେରା; ଇ ଲାକେ ଏପେଙ୍ଗ୍‌ ହଲ୍‌ନି ହଲ୍‌ନି ପାଡ଼଼ା ରୁଜ଼଼ୁନାଦେର୍‌ନା ଆରି ବିଦେସିନି କଲମ ହୁକେ ହେଦାଂ ଜଡ଼଼ାୟ୍ କିନାଦେରା; 11 ଏପେଙ୍ଗ୍‌ ରୁସ୍‌ନି ଦିନ୍‌ ୱାତିସ୍‌ ହେବେନି ଚାରି ବେଣ୍‌ତାଂ ବାଡ଼୍‌ତାଂ ବାଡ଼୍‌ ହିନାଦେରା ଆରି ନାଡ଼ିସିଂ ଏପେଙ୍ଗ୍‌ ଜାର୍‌ କାମାୟ୍‌ତ ହାନାଦେରା; ମାତର୍‌ ଦୁକ୍‌ ଆରି ନାଦାର୍‌ ସମୁତ ପାଡ଼୍‌ ଆନାତ୍‌ । 12 ଆ! ବେସି କୁଟୁମ୍‌ନି କିରଇନାକା, ହେୱାର୍‌ ହାମ୍‌ଦୁର୍‌ନି କିରଇନାକା ଲାକେ କିର ଗାଜେର୍‌ କିନାରା; ବାରବିନି ଦେସ୍‌ନିକାର୍‌ ପେଲି କିଜ଼଼ି ୱାନାରା, ହେୱାର୍‌ ବେସି ପୁର୍ ଲାକେ ମାଡିବହାଜ଼଼ି ୱାନାରା । 13 ବାରବିନି ଦେସ୍ତାକାର୍‌, ଗାଜା ପୁର୍ ୱାନି ଲାକେ ୱାନାରା; ମାତର୍‌ ହେୱାନ୍‌ ହେୱାରିଂ ଦାମ୍‌କାୟ୍‌କିନାନ୍‌, ତା ପାଚେ ହେୱାର୍‌ ଦେହା ହନ୍‌ନାର୍‌ ଆରି ଦୁକା ମୁମ୍‌ଦ ମାଡ଼଼ିନି ପୁଟା ଲାକେ ଆରି ବେସି ଦୁକା ମୁମ୍‌ଦ ହୁଜ଼଼ାୱାଣି ଲାକେ ନିନ୍ଦା ଆନାର୍‌ । 14 ହୁଡ଼ାଟ୍‌, ମ୍ଡିକାହାରେସ୍‌ ପାଣ୍ଡ୍ରୁତିଂ ତ୍ରିଗ୍‌ନାର୍ ଆରି ନାଡ଼଼ିହିଂ ଆଗେ ହେୱାର୍ ହାଚାର୍ । ମାଦି ମାସିଆତାକା ଜେଲ୍‌ଜି ଅତାକାର୍‌ତି ବାଗ୍‌ ଆରି ମା ଚରିକିତାକାର୍‌ତି ବାଗ୍ ଇଦାଂ ।