1 ବେଲ୍‌ ପେନ୍‌କୁ ତାରେନ୍ ଆନାତ୍‌, ନବ ତଲ୍ୟା ଆନାତ୍‌; ହେୱାର୍‌ତି ପେନ୍‌କୁ ଜାତ୍‌କୁ ଆରି ପସୁଂ ଜପି ଇଟ୍ୟା ଆତାତ୍‌ନା; ଇମ୍‌ଣି ଜିନିସ୍‌ ଏପେଙ୍ଗ୍‌ ପିଣ୍‌ଜି ବୁଲାତାଦେର୍‌, ହେଦାଂ ବଜ୍‌ ଆତାତ୍‌ନା, ୱାସ୍ତି ପସୁ କାଜିଂ ବଜ୍‌ ଆତାତ୍‌ନା । 2 ହେୱାର୍‌ ତାରେନ୍‌ ଆନିକ୍‌, ହେୱାର୍‌ ରଞ୍ଜେମାଟ୍‌ ତଲ୍ୟା ଆନାର୍‌; ହେୱାର୍‌ ବଜ୍‌ ରାକ୍ୟା କିଦେଂ ଆଡ଼୍‌ୱାତାର୍‌, ମାତର୍‌ ନିଜେ ବନ୍ଦି ଆଜ଼଼ି ହାଚାର୍‌ନା । 3 ଏ ଜାକୁବ୍‌ ଲାତ୍ରା, ଏ ଇସ୍ରାଏଲ୍‌ ଲାତ୍ରାନି ବାକିନି ୱିଜ଼଼ାର୍‌, ମା କାତା ୱେନାଟ୍‌; ଏପେଙ୍ଗ୍ ପଟତ ତିର୍ ଆନିହିଂ ମା ହୁଦାଂ ପିନ୍‌ଡ୍‌ୟାଜ଼଼ି, ଏନ୍‌ ଗର୍‌ପ୍‌ତାଂ ପିନ୍‌ଡ୍ୟାଜ଼଼ି ମାଚାଦେର୍‌; 4 ଆରେ, ଆପ୍ ମି ବୁଡ୍‌ହି ପାତେକ୍‌ ହେୱାପ୍‌ ଆଦ୍‌ନାପ୍‌ ଆରି ହେନ୍ତି ତେମୁଲ୍ ପାତେକ୍‌ ଆଁ ଆପ୍‌ ମିଙ୍ଗେଙ୍ଗ୍‌ ପିଣ୍‌ଦାନାପ୍‌; ଆପ୍‌ ରଚ୍‌ଚାତାପ୍‌ନା ଆରି ଆପ୍‌ ପିଣ୍‌ଦାନାପ୍‌; ଆଁ, ଆପେଙ୍ଗ୍‌ ପିଣ୍‌ଦାନାପ୍‌ ଆରି ରାକ୍ୟା କିଦ୍‌ନାପ୍‌ । 5 ଏପେଙ୍ଗ୍‌ ମାଙ୍ଗେଙ୍ଗ୍‌ ଇନେର୍‌ ଲାକେ ଆରି ଇନେର୍‌ ଲାକେ ଆରି ହମାନ୍ କିନାୟ୍ ଆରି ଇନେର୍ ଲାହାଂ ମା ହାନ୍ଦାୟ୍ ହିତାର୍, ଆସେଙ୍ଗ୍‌ ସମାନ୍‌ ଆନାସ୍‌ ? 6 ହନାରି ମଣାତାଂ ହନା ୱାକ୍‌ନାର୍‌ ଆରି ଲିଟ୍‌କିତ ରୁପା ତୁଲାୟ୍‌ କିନାର୍‌, ହେୱାର୍‌ ସନାରିଂ କୁଲି ଲାଗାୟ୍‌କିନାର୍‌ ଆରି ହେୱାର୍‌ ର ପେନ୍‌ ରଚ୍‌ନାର୍‌; ହେୱାର୍‌ ପୁତ୍‌ଡ଼଼ା ରଚାନାନ୍; ଡାଣ୍ଡାହାଣ୍‌ ମାଗ୍‌ଜି ପୁଜା କିନାର୍‌ । 7 ହେୱାର୍‌ ତାଙ୍ଗେଙ୍ଗ୍‌ ନିପିତ ପିଣ୍ଡ୍‌ନାର୍‌ ଆରି ତାଙ୍ଗେଙ୍ଗ୍‌ ପିଣ୍‌ଜି ତା ବାହାତ ତାଙ୍ଗେଙ୍ଗ୍‌ ଇଟ୍‌ନାର୍‌, ତାପାଚେ ହେୱାନ୍‌ ନିଲ୍‌ନାନ୍‌; ହେୱାନ୍‌ ଜାର୍‌ ବାହାତାଂ ଗୁଚା ଆଉନ୍‌; ଆରେ, ଇନେର୍‌ ତାଂ କୁକ୍‌ତିସ୍‌ ପା ଉତର୍‌ ହିଦେଂ ଆଡୁର୍‌, କି କସ୍ଟତାଂ ମୁକ୍ତିତାଂ ଉଦାର୍‌ କିଦେଂ ଆଡୁନ୍‌ । 8 ଏପ୍‌ ଇଦାଂ ଏତୁକିୟାଟ୍ ଆରି ଆଣ୍ଡ୍ରାକାଂ ହପ୍‌ନାଦେର୍‌, ଏ ପାପ୍‌ର୍‌, ମାନ୍ତ କିୟାଟ୍‌ । 9 ପ୍ଡାନି ବିସ୍ରେ ଏତ୍‌କିୟାଟ୍‌; ଇନାକିଦେଂକି ଆପ୍‌ ନେ ପର୍‌ମେସ୍ୱର୍‌, ନା ପିସ୍ତି ଇନେର୍‌ ହିଲେର୍‌; ଆପ୍‌ ପର୍‌ମେସ୍ୱର୍‌, ମା ଲାକେ ଇନେର୍‌ ହିଲୁର୍‌; 10 ଆପ୍‌ ହାରିହାରା ବିସ୍ରେ ଆଗେତାଂ ହପ୍‌ନାପ୍‌, ଆରେ ଇନାକା ପୁରା ଆୱାତାତ୍‌ନା, ହେଦାଂ ପ୍ଡାନି କାଡ଼୍‌ଦାଂ ୱେଚ୍‌ନାପା, ଆରେ ଇନାପ୍‌, "ମା ଜଜନା ତିର୍‌ ଆନାତ୍‌ ଆରି ଆପ୍ ଜାର୍‌ତି ସବୁ ମାନ୍‌ତିକାତା ପୁରା କିନାପ୍‌," 11 ଆପ୍‌ ୱେଡ଼଼ାହତ୍‌ନି ଦିଗ୍‌ତାଂ ରାମାଣ୍‌ ପଟିତିଂ, ଦେହା ଦେସ୍‌ତାଂ ମା ଜଜନା ମାନାୟାରିଂ କୁକ୍‌ନାସ୍‌; ଆପ୍‌ ଇନାପା, ଆରେ ଆପ୍‌ ହେଦାଂ ପୁରା କିନାସ୍‌; ଆପ୍‌ ହାନ୍ଦାୟ୍‌ କିନାପା, ଆରେ ଆପ୍‌ ହେଦାଂ ପୁରା କିନାପ୍‌ । 12 ଏ ଦାର୍ମିତାଂ ଦେହାନି ଆଟ୍‌ୱା ମାନ୍ତି ଲକୁ, ନା କାତା ୱେନାଟ୍‌ । 13 ଆପ୍‌ ଜାର୍‌ ଦାର୍ମି ଲାଗାଂ ତାହିୱାନାପା, ହେଦାଂ ଦେହାକିୟା ଆଉତ୍‌ ଆରି ମା ମୁକ୍ତି ଦେହା ଆଉତ୍‌; ମା ଜାଜ୍‌ମାଲ୍‌ ଲାକେ ଇସ୍ରାଏଲ୍‌ କାଜିଂ ଆପ୍‌ ସିୟନ୍‌ତ ମୁକ୍‌ଡ଼ାନାକା ରଚ୍‌ନାସ୍‌ ।