ସିୟନ୍ନି ପୁନି ତର୍
1 ଏଚେକ୍ପାତେକ୍ ସିୟନ୍ନି ଦାର୍ମି ଅଜଡ଼୍ନି ନିୟାୟ୍ ଆରି ତା ମୁକ୍ଡ଼ାନାକା କାଚାନି ବୈଟାନି ନିୟାୟ୍ ରୁଜୁକ୍ ଆୱିତିସ୍, ହେପାତେକ୍ ଆପ୍ ହେଦାଂ କାଜିଂ ଚିମ୍ରା ଆଉସ୍ ଆରି ଜିରୁସାଲମ୍ କାଜିଂ ଜମୁସ୍ । 2 ଆରେ, ବିନ୍ ଦେସ୍ତାକାର୍ ମି ଦାର୍ମି ଆରି ସବୁ ରାଜାର୍ ମି ଜାଜ୍ମାଲ୍ ହୁଡ଼୍ନାର୍; ଆରେ, ଏପ୍ ନିତ୍ରେମାପ୍ରୁତି ମୁମ୍ କାଜିଂ ର ପୁନି ତର୍ଦ ଡାକ୍ପୁଟା ଆନାୟ୍ । 3 ଆରେ, ଏପ୍ ନିତ୍ରେମାପ୍ରୁତି କେଇଦ ର ହଲ୍ନି ମୁକୁଟ୍ ଲାକେ ମି ପର୍ମେସ୍ୱର୍ତି କେଇଦ ର ରାଜ୍କିନାକା ମୁକୁଟ୍ ଲାକେ ଆନାତ୍ । 4 ଏପ୍ "ପିସ୍ତିମାନାକା" ଇଞ୍ଜି ଆରେ ତର୍ ଗାଟା ଆଉଦେର୍, କି ମି ଦେସ୍ "ଟୁରାଟୁରି" ଇଞ୍ଜି ଆରେ କୁକ୍ୟାଆଉତ୍; ମାତର୍ "ଏପ୍ ହିପ୍ସିବା62:4 ହିପ୍ସିବା ସାରି ନିକା ଆରି ୱାରିନିକା ସାରିନିକା" ଆରି ମି ଦେସ୍ ବିବାତି ତର୍ଦ ଇନ୍ୟାନାତ୍; ଇନାକିଦେଂକି ନିତ୍ରେମାପ୍ରୁ ମି ତାକେ ସାରି ପାୟାଆନାନ୍ ଆରି ମି ଦେସ୍ ବିବାତାକା ଆନାତ୍ । 5 ଦାଂଣେନ୍ ଇନେସ୍କି ଜିପଲିଂ ବିବା ଆନାନ୍, ହେ ଲାକେ ମି ମାଜ଼ିର୍ ମିଙ୍ଗେଙ୍ଗ୍ ବିବା କିଦ୍ନାର୍; ଆରେ ଜୱାୟ୍ ଏଚେକ୍ ପାତେକ୍ ଗାଡ଼୍ତାକେ ୱାରି କିନାନ୍, ହେ ଲାକେ ମି ପର୍ମେସ୍ୱର୍ ମି ତାକେ ୱାରି କିନାତ୍ । 6 ଏ ଜିରୁସାଲମ୍, ଆପ୍ ମି ଡାଣ୍ଡ୍କାତି ଜପି ତାଙ୍ଗ୍ ବାଚି କିତାପ୍ନା; ହେୱାର୍ ୱେଡ଼ା କି ନାଣା ମୁଲେ ଚିମ୍ରା ଆଉର୍ । 7 ଏ ନିତ୍ରେମାପ୍ରୁତିଂ ଏତ୍କିନି ମାନାୟାର୍, ହେୱାନ୍ ଏଚେକ୍ ପାତେକ୍ ଜିରୁସାଲମ୍ତିଂ ରଚ୍ୱିତିସ୍ ଆରି ପୁର୍ତି ବିତ୍ରେ ତାଙ୍ଗେଙ୍ଗ୍ କେର୍କଣ୍ନି ବାହା କିଉର୍, ହେ ପାତେକ୍ ଏପେଙ୍ଗ୍ ଜମ୍ମାଟ୍, କି ତାଙ୍ଗେଙ୍ଗ୍ ଜମିକିଦେଂ ହିମାଟ୍ । 8 ନିତ୍ରେମାପ୍ରୁ ଜାର୍ତି ତିନାକେଇ ଆରି ସାକ୍ତି କାଟି ମାରା ହୁଦାଂ ପାର୍ମାଣ୍ କିନାର୍, "ନିଜେ ଆନେଙ୍ଗ୍ ମି ତାସ୍ ମି ସାତ୍ରୁର୍ କାଦି କାଜିଂ ଆରେ ହିଉପ୍ ଆରି ଇମ୍ଣି ପାତେକ୍ ଏପ୍ କସ୍ଟ କିତାଦେର୍ଣ୍ଣା, ମି ହେ ଅଙ୍ଗୁର୍ରାସ୍ ବିନ୍ଦେସ୍ତାକାର୍ ଆରେ ଉଣୁର୍ । 9 ମାତର୍ ଇମ୍ଣାକାର୍ ହେଦାଂ ରୁଣ୍ଡାୟ୍ କିତାର୍ନା, ହେୱାର୍ ହେଦାଂ ତିନ୍ଞ୍ଜି ନିତ୍ରେମାପ୍ରୁତି କେର୍କଣ୍ କେର୍ନାର୍ ଆରି ଇମ୍ଣାକାର୍ ହେଦାଂ ରୁଣ୍ଡାୟ୍ କିତାର୍ନା, ହେୱାର୍ ପୁଇପୁୟା ବାହାନି ହାକ୍ଡ଼ି ବିତ୍ରେ ହେଦାଂ ଉଣାର୍ ।" 10 ଏପେଙ୍ଗ୍ ଆଗେଆଡ, ଗାଡ଼୍ ଦୁୱାର୍ ବିତ୍ରେତିଂ ଆଗେଆଡ; ମାନାୟାର୍ ହାଜ଼଼ି ରଚାଟ୍; ଗାଜା କିୟାଟ୍, ଅହାର୍ ହାଜ଼଼ି ଗାଜା କିୟାଟ୍; କାଲ୍କୁସବୁ ହପ୍ଚି ରୁଣ୍ଡାୟ୍ କିୟାଟ୍; କୁଟୁମ୍ କାଜିଂ ର ପତ୍କା ନିକାଟ୍ । 11 ହୁଡ଼ାଟ୍, ନିତ୍ରେମାପ୍ରୁ ପୁର୍ତିନି ହାନ୍ଦି ପାତେକ୍ ଇଦାଂ ସୁଣାୟ୍ କିତାନ୍ନା, "ଏପେଙ୍ଗ୍ ସିୟନ୍ନି ଗାଡ଼ିଙ୍ଗ୍ ଇନାଟ୍, ହୁଡ଼ା, ନି ମୁକ୍ଡ଼ାନାକା ୱାନାତା, ହୁଡ଼ା, ତାଦାଂ ଇନାମ୍ ତା ଲାହାଙ୍ଗ୍ ମାନାତ୍ ଆରି ତାଦାଂ ପାତିଦାନ୍ ତା ଲାଗାଂ ମାନାତ୍ ।" 12 ଆରେ, ମାନାୟାର୍ ହେୱାରିଂ "ପୁଇପୁୟା ଲକ୍,"
"ନିତ୍ରେମାପ୍ରୁତି ମୁକ୍ଡ଼ାତାକା ଇଞ୍ଜି କୁକ୍ନାର୍,"
ଆରେ, "ଏନ୍ ଡେକ୍ୟାତାକାୟ୍,"
"ୱାରିନି ଗାଡ଼୍ ଇଞ୍ଜି ଡାକ୍ପୁଟା ଆନାୟ୍ ।"
/images/a/WG5FS9VaSWVnVmV3VI8yP)
/images/a/Tcg2NiV7ce24OT6kCIQGR)