ଜିସାୟତି ମାଜ଼଼ିର୍ତି ଚିନ୍
1 ଆରେ, ନିତ୍ରେମାପ୍ରୁ ନାଂ ଇଞ୍ଚାନ୍, "ଏନେଙ୍ଗ୍ ର ଗନ୍ଦା ଗାଜା ପାଟା ଅଜ଼ି ଚାଲାନି ଅକର୍ତ ହେ ଜପି ଇ କାତା ଲେକିକିୟା, ମହେର-ସାଲଲହାସ୍-ବସ୍ ଚରେନ୍ ଲାହାଙ୍ଗ୍ ୱାନାନା, ଚରିକିତି ଜିନିସ୍ ବେଗି ହାନାନା । 2 ଆରେ, ଆନ୍ ପାର୍ମାଣ୍ କାଜିଂ ଉରିୟ ମାପ୍ରୁହେବାକିନାକାନ୍ ଆରି ଜିବରିକିୟନି ମାଜ଼ି ଜିକରିଅଙ୍ଗ୍ ଜାର୍ତି ପାର୍ତି କିନି ସାକି କିନାଙ୍ଗ୍ ।" 3 ଇଦାଂପାଚେ ଆନ୍ ବେଣ୍ବାକ୍ଣାୟ୍କିନାକାଦେଲ୍ ଲାହାଂ ହୁଞ୍ଜ୍ଚିଲେ, ହେଦେଲ୍ ମାଞ୍ଜେଙ୍ଗ୍ ଆସ୍ତି ମାଜ଼ି ଜଲମ୍ କିତାତ୍ । ଲାଗିଂ ନିତ୍ରେମାପ୍ରୁ ନାଂ ଇଞ୍ଚାନ୍, "ତା ତର୍ ମହେର-ସାଲଲହାସ୍-ବସ୍ ଇଟାଟ୍ । 4 ଇନେକିଦେଂକି କାଡ଼୍ଦେ ନା ଆବା ଆରି ନା ଆୟା ଇଞ୍ଜି କୁକୁନି କାଜିଂ ଗିଆନ୍ ପାୟାନି ଆଗେ ଦାମାସ୍କସ୍ ଦାନ୍ ଆରି ସମରିୟାନି ଚରେନ୍ ଆସୁର୍ ରାଜା ଆଗେ ଆଗେ ପିଣ୍ଡ୍ଜି ଅୟାନାତ୍ ।"
ସିରିୟାନି କାମାୟ୍ ୱାନାତା
5 ଇଦାଂପାଚେ ନିତ୍ରେମାପ୍ରୁ ନାଙ୍ଗ୍ ଆରେରଗ ଇଞ୍ଚାନ୍, 6 "ଇ ମାନାୟାର୍ ସିଲହନି କାଲେ କାଲେ ବଡ଼ାନାକା ମୁନା କିଜ଼ି ରସିନ୍ ଆରି ରମଲିୟନି ମାଜ଼ିତାଂ ୱାରି କିନାରା; 7 ଇଦାଂକାଜିଂ ହୁଡ଼ାଟ୍, ମାପ୍ରୁ ନଂ ପରାତ୍ ଜଡ଼ିନି ବେସି, ଜବର୍ନି ଏଜ଼ୁଂ ଲାକେ ଆସୁର୍ନି ଗାଜା ରାଜାତିଂ ଆରି ହେୱାନ୍ତି ୱିଜ଼ୁ ସାକ୍ତିତିଂ ହେୱାର୍ ଜପି ତାହିୱାନାରା; ପାଚେ ହେୱାନ୍ ଜାର୍ ସବୁ ଏସ୍ ହାତୁର୍ ଜପି ବାଡାଜ଼ି ଜାର୍ ବାନ୍ଦ୍ ଜପି ତାଙ୍ଗ୍ଜି ହାନାନ୍; 8 ଆରେ, ହେୱାନ୍ ବେସି ଆଗେ ହାଲ୍ଜି ଜିହୁଦା ପାତେକ୍ ହାନାଦେର୍; ହେୱାନ୍ ଡ଼ିଜ଼ି ମେଙ୍ଗ୍ଜି ହାନାତ୍; ହେୱାନ୍ କାଟ୍ ଇଚିସ୍ ନିଂନାନ୍; ଆରେ, ଏ ଇମାନୁଏଲ୍, ହେୱାନ୍ତି ମାରା ମେଙ୍ଗ୍ନ୍ତି ହୁଦାଂ ନି ଦେସ୍ନି ଇମାନୁୟେଲ୍ ପର୍ମେସ୍ୱର୍ ରାକ୍ୟା କିନାନ୍ ।" 9 ଏ କୁଟୁମ୍ନିକାଦେର୍, ଏପେଙ୍ଗ୍ ଗଣ୍ଡ୍ଗଲ୍ କିୟାଟ୍, ଆତିସ୍ପା ବାଙ୍ଗା ଆନାଦେର୍; ଆରେ, ଏ ଦେହାଦେସ୍ନି ଲକୁ ୱିଜ଼ାକାଦେର୍, ଏପେଙ୍ଗ୍ ୱିଜ଼ାକାଦେର୍ ୱେନାଟ୍; ଏପେଙ୍ଗ୍ ମ୍ଡେଙ୍ଗାଙ୍ଗ୍ ଗାଚ୍ୟାତିସ୍ପା ହାନାଦେର୍ । 10 ମେହାଜ଼ି କୁଟ୍ କିୟାଟ୍, ଆତିସ୍ପା ହେୱାନ୍ତି ଜିଣାନାକା ଆକାୟ୍; ଗାଣ୍ଜୁ ଇନାଟ୍, ଆତିସ୍ପା ହେୱାନ୍ତି ତିର୍ ଆଉତ୍; ଇନାକିଦେଂକି ପର୍ମେସ୍ୱର୍ ମା ଲାହାଂ ମାନାନ୍ ।
ପର୍ମେସ୍ୱର୍ତି ବଲ୍
11 ଇନାକିଦେଂକି ନିତ୍ରେମାପ୍ରୁ ବେସି କେଇଦ ଆସ୍ତି ନାଂ ଏଲେଙ୍ଗ୍ ଇଞ୍ଚାନ୍ ଆରି ଆନ୍ ଇନେସ୍ ଇ ଲଗାର୍ ହାଜ଼ି ଆହୁଙ୍ଗ୍, ଇଦାଂ କାଜିଂ ବଲ୍ ହିଜ଼ି ଇଞ୍ଚାନ୍, 12 ଇ ମାନାୟାର୍ ଇମ୍ଣି ସବୁ କୁଟ୍ ଇଞ୍ଜି ଇନାର୍; ଏପେଙ୍ଗ୍ ହେୱାକାଂ କୁଟ୍ ଇଞ୍ଜି ଇନ୍ମାଟ୍; କି ହେୱାର୍ତି ବିଡ୍ରାଣିତି ପାଣ୍ଡ୍ରା ଆମାଟ୍, କି ହେୱାର୍ ବିସ୍ରେ ବିଲ୍କି ଆମାଟ୍ । 13 ମୁଡ଼୍ମେଲ୍ୟାଆଦିକାରି ନିତ୍ରେମାପ୍ରୁଙ୍ଗ୍ ନେ ଏପେଙ୍ଗ୍ ପୁଇପୁୟା ଲାକେ ମାନି କିନାଦେର୍, ଆରେ, ହେୱାନ୍ ମି ପାଣ୍ଡ୍ରାନି ବାହା ଆୟେନ୍ ଆରି ହେୱାନ୍ ମି ହାର୍ଦିବୁଇଁ ଆୟେତ୍ । 14 ପାଚେ ହେୱାନ୍ ପୁୟ୍ପୁୟାନି ଜମ୍ନାକାନ୍ ଲାକେ ଆନାନ୍, ମତର୍ ଇସ୍ରାଏଲ୍ନି ସତ୍ରୁ ଲାକେ କାଲ୍ ଆରି ବାଦାନି ହେଚ୍ରା ଆନାନ୍, ଜିରୁସାଲମ୍ନିକାର୍ କାଜିଂ ଡ଼ୁକାଆରି ହେଜ଼ନାକା ଲାକେ ଆନାନ୍ । 15 ଆରେ, ବେସି ଲକୁ ହେୱାନ୍ କାଜିଂ ବାଦା ପାୟାଜ଼ି ହାନାର୍ ଆରି ଡ୍ରିଂନାର୍ ଆରି ଡ଼ୁକାତ ଆହ୍ୟାନାର୍ ।
ହାତାକାର୍ ବିରୁତ୍ତ ୱେଚ୍ନାକା
16 ଏନେଙ୍ଗ୍ ଇ ପାର୍ମାଣ୍ବଚନ୍ ଗାଚା, ନା ଚେଲାର୍ ବିତ୍ରେ ବିଦି ମୁଦ୍ କିୟାଟ୍ । 17 ଆରେ, ଇନେନ୍ ଜାକୁବ୍-ଲାତ୍ରାତାଂ ଜାର୍ ୱେଇ ଡାବାୟ୍ କିନାର୍, ଆନ୍ ହେ ନିତ୍ରେମାପ୍ରୁତିଂ କାସିମାନାଙ୍ଗ୍ ଆରି ତା କାଜିଂ ଏରିକିଜ଼ି ମାନାଙ୍ଗ୍ । 18 ହୁଡ଼ାଟ୍, ଆନ୍ ଆରି ନିତ୍ରେମାପ୍ରୁତି ହୁକେ ନାଙ୍ଗ୍ ହିତ୍ତି ମାଜ଼ିର୍ ସିୟନ୍ ମାଡିନିକାର୍ ମେଲ୍ୟାର୍ଆଦିକାରି ନିତ୍ରେମାପ୍ରୁତାଂ ଇସ୍ରାଏଲ୍ ବିତ୍ରେ ଚିନ୍ ଆରି କାବାନି କାମାୟ୍ ଲାକେ ଆନାପ୍ । 19 ଆରେ, ଏଚେକାଡ଼୍ଦ ହେୱାର୍ ମିଙ୍ଗେଙ୍ଗ୍ ଇଞ୍ଚ୍ନାର୍, ଇମ୍ଣି ଚୁଟ୍କିୟାର୍ ଆରି ପାଙ୍ଗ୍ଣିଆର୍ ଗାଣ୍ ଗାଣ୍ ଆରି ପୁସର୍ ପାସାର୍ କିଜ଼ି ଇନାର୍, ହେୱାରିଂ ଦାହାଟ୍; ଏପେଙ୍ଗ୍ ଇନାଟ୍, ମି ମାନାୟାର୍ ଇନାକା ଜାର୍ତି ପର୍ମେସ୍ୱର୍ତିଂ ଦାହୁର୍ ? ହେୱାର୍ ଇନାକା ଜିତାକାର୍ ପାକ୍ୟାତ ହାକିର୍ତି ଦାହାନାର୍ ? 20 ବିଦି ଆରି ପାର୍ମାଣ୍ବଚନ୍ତ ଦାହାଟ୍ । ଜଦି ହେୱାର୍ ଇ ବଚନ୍ଇସାବ୍ରେ କାତା ଇନୁର୍, ଲାଗିଂ ହାତ୍ପାନେ ହେୱାର୍ କାଜିଂ ଇନାକାପା କାତା ଲାବ୍ ଆକାୟ୍ ।
କସ୍ଟନି ସମୁ
21 ଆରେ, ହେୱାର୍ ବେସି ଆଟ୍ୱା ଆରି ନାସ୍କି ଆଜ଼ି ଦେସ୍ ବିତ୍ରେ ହିଜ଼ି ହାନାର୍, ଆରେ, ନାସ୍କି ଆତିସ୍, ହେୱାର୍ ରିସା ଆଜ଼ି ଜାର୍ତି ରାଜାର୍ ହୁକେ ଆରି ଜାର୍ ପର୍ମେସ୍ୱର୍ତି ହୁକେ ସାଇପ୍ ହିଜ଼ି ଜପି ଜାର୍ ଜାର୍ ମୁମ୍ କିନାର୍; 22 ଆରେ, ହେୱାର୍ ବୁଇଁ ନିପ ଦାହ୍ନାର୍, ଆରେ ହୁଡ଼ାଟ୍, କସ୍ଟ ଆରି ମାଜ୍ଗା, କସ୍ଟହିନି ଲାକେ ମାଜ୍ଗା; ଆରେ, ହେୱାର୍ ବେସି ମାଜ୍ଗାତିଂ ଇଣ୍ ଆନାର୍ ।
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)