1 ଇମ୍‌ଣି ବାର୍ହୁ ଆସୁର୍‌ ଦେସ୍‌ନି ରାଜା ସର୍ଗନ ତା ମୁଡ଼୍ ମେଲ୍ୟାତିଂ ଅସ୍‌ଦଦ୍‌ତି ଗାଡ଼୍ ବିରୁଦ୍‌ତ ପକ୍ତାନ୍ ଆରେ ଜୁଜ୍ କିଜ଼଼ି ହେୱାନିଂ ଆଦିକାର୍ କିତାନ୍ । 2 ହେ ସମୁତ ଆମସ୍‌ନି ମାଜ଼ି ଜିସାଇ ହୁଦାଂ ନିତ୍ରେମାପ୍ରୁ ଇ କାତା ଇଚାର୍‌, ହାଲାଟ୍‌, ମି ମ୍ଡେଙ୍ଗାତାଂ ହାରୁହେନ୍ଦ୍ରା ଉନ୍ଦା ଆରି ମି କାଲ୍‌କୁତାଂ ପାଣ୍ଡାଇଙ୍ଗ୍‌ ଉନ୍ଦାଂଟ୍‌, ହେ କାଜିଂ ହେନ୍ଦାଂକିଜ଼ି ନାଗ୍‌ଡ଼ା ଆରି ଇନାକା ୱାରି ପାନାତାଂ ବୁଲାତାର୍‌ । 3 ଲାଗ୍‌ ନିତ୍ରେମାପ୍ରୁ ଇଚାନ୍‌, "ନା ଚେଲା ଜିସାଇ ମିସର୍‌ ଆରି କୁସ୍‌ ଦେସ୍‌ କାଜିଂ ର ଚିନ୍‌ ଆରି କାବାନି କାମାୟ୍‌ ଲାକେ ଆନି କାଜିଂ ଇନେସ୍‌ ତିନି ବାର୍ହୁ ନାଗ୍‌ଡ଼ା ଆରି ୱାରି ପାନ୍‌ଦାଂ ହାଚାନ୍‌ନା; 4 ହେ ଲାକେ ଆସୁର୍‌ନି ରାଜା ମିସିରିୟର୍‌ ଲାଜୁ କାଜିଂ ହାରୁତାଂଗାଜା ପାତେକ୍‌ ମିସ୍ରିୟର୍‌ ଆରି କୁସ୍‌ ମାନି ବନ୍ଦି ଲକୁରିଂ ନାଗ୍‌ଡ଼ାଜ଼଼ି, ୱାରି ଲେଙ୍ଗ୍‌ଟି ଲାହାଂ ଆଜ଼ି ୱାରିପାନାତାଂ ଅସିହାନାର୍‌ । 5 ହେ କାଜିଙ୍ଗ୍ ମାନାୟାର୍‌ ଜାର୍‌ତି ପାର୍ତିନିକା କୁସ୍‌ ଆରି ନିଜାର୍‌ତି ଗରବ୍‌ ଲାକେ ମିସର୍‌ କାଜିଂ ନିରାସ୍‌ ଆରି ଲାଜା ଆନାର୍‌ । 6 ଆରେ, ହେ ଦିନ୍‌ ଇ ହାମ୍‌ଦୁର୍‌ନି ଇ ମାନାୟାର୍‌ ଇଞ୍ଜ୍‌ନାର୍‌, ହୁଡ଼ାଟ୍‌, ଆସୁର୍‌ ତାଂ ରାଜା ରାକ୍ୟାପାୟାଦେଂ ସାଇଜ କାଜିଂ ଇମେତାକେ ହାଚାୟ୍‌, ମା ପାର୍‌ତି ଇ ଲାକେ; ଲାଗ୍‌ ଆସେଙ୍ଗ୍ ଇନେସ୍‌ ବାଚାଆନାସ୍‌ ?"