1 ମା କାବୁର୍ ଇନେର୍ ପାର୍ତି କିତାର୍ନା ? ଆରି ନିତ୍ରେମାପ୍ରୁତି କେଇ ଇନେର୍ ମାରା ଇନେର୍ ଲାଗାଂ ହପ୍ୟାଆନାତା ? 2 ଇନାକିଦେଂକି ହେୱାନ୍ ତା କାଣ୍ଗାତ ପାଡ଼ା ଲାକେ ଆରି ୱାଚ୍ଚି ବୁଇଁତାଂ ଉବ୍ଜାତି ମାର୍ ଲାକେ ଗାଜାତାର୍; ତା ମୁମ୍ କି ହଲ୍ନାକା ଆକାୟ୍; ଆରେ, ତାଙ୍ଗେଙ୍ଗ୍ ହୁଡ଼ାଟ୍, ଆସେଙ୍ଗ୍ ଜେ ୱାରି କିନାସ୍, ତାଦି ଇଲାକେ ହଲ୍ନାକା ହିଲୁତ୍ । 3 ହେୱାନ୍ ପୁଚାକାନ୍ ଆରି ମାନାୟାର୍ ପିସ୍ତିହିୱିତି; ଦୁକ୍ତ ଜାଣା ଲକ୍ ଆରେ ଦୁକ୍ତାକାଜାଣାଚିନା, ଆରି, ମାନାୟାର୍ ଇନେର୍ତାଂ ମୁମ୍ ଡାବାୟ୍ କିନାନ୍, ଇଲାକେ ଲକ୍ ଲାକେ ହେୱାନ୍ ବୁଦିହିଲ୍ୱାକାର୍ ଆତାର୍, ଆରେ ଆପେଙ୍ଗ୍ ହେୱାନିଂ ମାନ୍ୟ କିୱାତାସ୍ । 4 ନିଚୟ୍ ହେୱାନ୍ ମାଦାଂ କସ୍ଟସବୁ ଆସ୍ତାପ୍ନା ଆରି ମାଦାଂ ନନାକା ସବୁ ପିଣ୍ତାନ୍ନା ଆପେଙ୍ଗ୍ ତାଙ୍ଗେଙ୍ଗ୍ ନାଦାର୍ ଆରି ପର୍ମେସ୍ୱର୍ତି କାଜିଂ ମାଡ଼୍ ଆରି ଦୁକ୍ନିକାନ୍ ଇଞ୍ଜି ଇଚାପ୍ । 5 ମାତର୍ ହେୱାନ୍ ମା ଅଦାର୍ମି କାଜିଂ ଗାୱଦାୱ ଆତାନ୍ ଆରି ମା ଅପ୍ରାଦ୍ କାଜିଂ କୁଟ୍କୁଟା ଆତାର୍; ମା ସାନ୍ତିନିକାର୍ ସାସ୍ତି ତା ଜପି ଆର୍ତାତ୍ ଆରି ତା ମାଟ୍ତ ଆପେଙ୍ଗ୍ ଉଜ୍ ଆତାପ୍ ।
Publicidade