3 ହେୱାର୍ ଇନାର୍, "ଆପେଙ୍ଗ୍ ଇନାକିଦେଂ ଉପାସ୍ କିନାପା ଆରି ଏପ୍ ହୁଡ଼୍ଦେରା ?" ଆପେଙ୍ଗ୍ ଇନାକିଦେଂ ଜାର୍ ଜାର୍ ପାରାଣ୍ତିଂ କସ୍ଟ ହିନାସା ଆରି ଏପ୍ ମାନ୍ଦିଆନ୍ କିଉଦେରା ? ହୁଡ଼ାଟ୍, ଏପ୍ ଉପାସ୍ ନାଞ୍ଜିଙ୍ଗ୍ ଜାର୍ ସୁକ୍ ସେସ୍ଟା କିନାଦେରା ଆରି ବଲ୍ତ୍କାର୍ ସବୁ କସ୍ଟ କିନାଦେରା । 4 ହୁଡ଼ାଟ୍, ଏପେଙ୍ଗ୍ ଗଣ୍ଡ୍ଗଲ୍ ଆରି କିର କାଜିଂ, ଆରେ ବାନ୍ୟାନିକାର୍ ମୁଟି ହୁଦାଂ ଟ୍ରାକ୍ନି କାଜିଂ ଉପାସ୍ କିନାଦେରା; ମି କାଟ୍ ଜପିତାଂ ଇନେସ୍କି ୱେନ୍ୟାଆନାତ୍, ଇଲାକେ ଉପାସ୍ ନେଞ୍ଜେଙ୍ଗ୍ ଏପେଙ୍ଗ୍ କିଉଦେରା । 6 ବାନ୍ୟନିକା ଲାକେ ଗାଟି ରିକ୍ନି କାଜିଂ, ଜୁୱାଣ୍ଡ୍ନି ଗାଟି ମୁକ୍ଡ଼ାୟ୍ କିନି କାଜିଂ ଆରି ବଜ୍ପିଣ୍ତି ମାନାୟାରିଂ ମୁକ୍ଡାୟ୍ କିଜ଼ି ପିହ୍ନାକା, ଆରେ ଜାଣ୍କେ ଜୁୱାଣ୍ଡ୍ ଡ୍ରିକ୍ନାକା, 7 ନାସ୍କି ମାନାୟ୍ତିଂ ମିଦାଂ କାଦି ପାସ୍ପେଦେଂ, ଆରି ପେଜ୍ୟାତି ଦୁକ୍ତି ମାନାୟ୍ତିଂ ଜାର୍ ଇଞ୍ଜ ତାହିୱାଦେଂ, ଏପେଙ୍ଗ୍ ନାଗ୍ଡ଼ାତିଂ ହୁଡ଼୍ତିସ୍, ତାଙ୍ଗେଙ୍ଗ୍ ହେନ୍ଦ୍ରା ଉସ୍ପିକିନାକା ଆରି ମି ନିଜାର୍ ଲାତ୍ରାନି ମାନାୟାର୍ତାଂ ଜାର୍ତିଂ ଡ଼ୁକ୍ନାକା, ଇ ବାନି ଉପାସ୍ ଆପ୍ ବାଚି କିଦ୍ୱାତାପ୍ନା ?
Publicidade