Salmos 139

13 Taem mi stap yet long bel blong mama blong mi,

yu yu mekem evri haf blong bodi blong mi,

mo yu mekem olgeta oli joen gud.

14 Yu yu mekem mi

long fasin we i narafala,

mo i nambawan olgeta.

Mi mi ona long yu,

mo mi presem nem blong yu from.

Olgeta samting we yu yu mekem

oli gud we i gud tumas.

Samting ya,

mi mi save we mi savegud.*139.14: Narafala rod blong tanem tok long las haf blong vas ya i olsem. Yu yu savegud evri samting long laef blong mi.

15 Taem mi mi stap long bel blong mama blong mi,

long ples ya we i haed we i haed,

nao ol bun blong mi oli stap joen gud,

mi stap gru,

be yu yu luk mi we mi stap long ples ya.