4 याहवेह, माझ्या जीवनाचा अंत मला दाखवा

आणि माझे किती दिवस बाकी आहेत हे मला दाखवून द्या;

माझे आयुष्य किती क्षणभंगुर आहे ते मला कळू द्या.

5 पाहा, तुम्ही माझे दिवस चार बोटे केले आहे;

माझा जीवितकाल तुमच्या दृष्टीने केवळ एका क्षणाचाच आहे;

प्रत्येकजण, अगदी निश्चिंत असणारे लोकसुद्धा

केवळ एक श्वास आहेत. सेला

6 निश्चितच प्रत्येकजण खरोखर सावलीप्रमाणेच जगतो;

संपत्ती गोळा करण्याची त्याची सर्व धावपळ ही निरर्थकच,

याचा उपभोग कोण घेईल हे त्याला ठाऊक नाही.