स्तोत्रसंहिता 78

4 आम्ही त्या त्यांच्या वंशजांपासून गुप्त ठेवणार नाही,

आम्ही भावी पिढीच्या लोकांपुढे,

याहवेहचे गौरव करू आणि

त्यांच्या सामर्थ्याचे आणि चमत्कारांचे वर्णन करू.

5 कारण त्यांनी आपले नियम याकोबाला दिले,

आणि इस्राएलात कायदे प्रस्थापित केले,

जे त्यांनी आपल्या मुलाबाळांना

शिकवावे अशी पूर्वजांना आज्ञा दिली.

6 जेणेकरून येणार्‍या पिढ्या,

म्हणजे जन्माला येणारी मुले त्यांना ओळखतील;

आणि त्यांनी आपल्या भावी पिढीस त्यांच्याबद्दल कथन करण्यास तयार राहावे.

7 मग ते परमेश्वरावर आपला भरवसा ठेवतील

आणि त्यांची कृत्ये विसरणार नाहीत

तर त्यांच्या आज्ञा पाळतील.