5 Gama lumoun luéigiñe wamabuchahan lasufurira,

muliliwati luagu wafigoun;

barüti abeichúni le lasufurirubei darangilaü woun;

luéigiñe burí biti le libihubei wareidagua sungua luagu.

6 Chararatiwa sun wagía kei mudún,

ragǘ lumuti kada aban lémeri,

gama lumoun barǘ lumuti Bungiu sun wariban íchiga luagun.

7 Ouserúati wuriba, gama lumoun ígiraguagüdati lungua lau ǘnabuguni,

máwagachungubeiti ariñaga ni kata;

barǘ hamuti kei mudún ñǘraügili lun lafarún,

aba lerederun maniñu, mariñagunti ni kata,

kei aban mudún dan le lasarún.