ହିତୁଳାର୍ ହାଣି କୁଣ୍ଡ୍
17 ଇତାର୍ହଃଚ ମାପୁର୍ ମସାକେ କୟ୍ଲା, 18 "ତୁୟ୍ ଦଃଉତା ହାଁୟ୍ ହିତୁଳାର୍ କୁଣ୍ଡ୍ ଆର୍ ତାର୍ ହିତୁଳାର୍ ବାଣିହିଣ୍ଡା ତିଆର୍ କଃରାସ୍; ଆରେକ୍, ପବିତ୍ର ତୁମ୍ ଆର୍ ବେଦି ମଃଜି ଜଃଗାୟ୍ ସଃଙ୍ଗାୟ୍ ସେ ବିତ୍ରେ ହାଣି ହୁରାଉଆସ୍। 19 ଆର୍ ହାରଣ ଆର୍ ତାର୍ ହଃୟ୍ସିମଃନ୍ ସେତି ଅଃହ୍ଣା ଅଃହ୍ଣାର୍ ଆତ୍ ଆର୍ ଗଡ୍ ଦଃଉତି। 20 ସେମଃନ୍ ପବିତ୍ର ତୁମ୍ ବିତ୍ରେ ହୁର୍ତା ବଃଳ୍ ଜଃନ୍କଃରି ନଃମେର୍ତି, ଇତାର୍ଗିନେ ଜାଣାୟି ନିଜ୍ ନିଜ୍କେ ଦଃଉଅତ୍; କି ମାପୁରାର୍ ସେବା ହାୟ୍ଁ, ବଃଲେକ୍ ଜୟେ ହଡାୟ୍ ଦେତା ବଗ୍ ଦୁହ୍ଣି ହଡାଉଁକେ ବେଦି ଲଃଗେ ଆସ୍ତା ବଃଳ୍ ଜଃନ୍କଃରି ନଃମେର୍ତି, 21 ଇତାର୍ ଗିନେ ସେମଃନ୍ ନିଜାର୍ ନିଜାର୍ ଆତ୍ ଆର୍ ହାଦ୍ ଦଃଉତି; ଇରି ତାର୍ ଆର୍ ତାର୍ ବଃଉଁସାର୍ ବଃଉଁସ୍ ବଃଉଁସ୍ ହଃତେକ୍ ମାନ୍ତାର୍ ସଃବୁଦିନାର୍ ବିଦି ଅୟ୍ଦ୍।"