ଆଦି 27

41 ଦେକ୍‌ରକମ୍‌ ଯାକୁବ ନିଜର୍‌ ଆବାବାନ୍‌ ଆସିର୍ବାଦ୍‌ ବାକ୍ନେବାନ୍ ଏଷୌ ମେଁନେ ଆଡ଼ାତ୍ରା ରିସାଡିଙ୍ଗ୍‌ଚେ ମନେ ମନେ ବାବେକେ, "ନେଙ୍ଗ୍‌ନେ ଆବା ଗୁଏକ୍ନେ ଇଡ଼ିଙ୍ଗ୍‌ ନେଙ୍ଗ୍‌ ନିଜର୍‌ ବୟାଁ ଯାକୁବକେ ବାଗୁଏ ମ୍ୱିଏ ।"

42 ମାତର୍‌ ଆତାନ୍ ସାମୁଆଁ ରିବିକା ଅଁଲେଃଗେ । ଏଷୌ ଯାକୁବକେ ବାଗୁଏ ନ୍‌ସା ଚେସ୍ଟା ଡିଙ୍ଗ୍‌ଡିଂକେ । ମେଁ ଯାକୁବକେ ୱାଚେ ବାଲିର୍‌କେ, "ଦ୍ରିଗ୍‌, ନାଁବୟାଁ ଏଷୌ ଆନାକେ ବାଗୁଏ ନ୍‌ସା ଚେସ୍‌ଟା ଡିଙ୍ଗ୍‌ଡିଂକେ । 43 ଏନ୍‌ସା, ଉଂ, ନେଙ୍ଗ୍‌ ସାମୁଆଁ ଦ୍ରିଗ୍‌; ହାରୋଣ ସହର୍‌ନ୍ୟା ଲାଗ୍‌ଡଲା, ନେଙ୍ଗ୍‌ ବୟାଁ ଲାବନ ଡାଗ୍ରା ୱେଲା । 44 ବାରି ଅଃନା ଜାକ ନାଁ ବୟାଁନେ ରିସା ସାନ୍ତି ମାଡିଙ୍ଗ୍‌ ଜାକ ଉଡ଼ିସି ଆତ୍‌ ଡାଗ୍ରା ଲାଃଲା । 45 ନାଁ ଆଡ଼ାତ୍ରା ନାବୟାଁନେ ରିସା ସାନ୍ତି ଡିଙ୍ଗ୍‌ଲା ବାରି ନାଁ ମେଁନେ ଆଡ଼ାତ୍ରା ମେଃନି ଡିଙ୍ଗ୍‌ନାବକେ, ଆତେନ୍‌ ମେଁ ଆଃବ ବିଲା, ନେଙ୍ଗ୍‌ ରେମୁଆଁ ବେଚେ ଆନାକେ ରାଙ୍ଗ୍‌ମ୍ପାଙ୍ଗ୍‌ଏ । ନେଙ୍ଗ୍‌ ମୁଇଂଦିନା ମ୍ୱାୟାକେ ଆରେନ୍‌ସା ଚାଏଁ ନ୍ନାଡିଙ୍ଗ୍‌କେ ।"