9 Musa kamlongela Yoshua, "Saghula wamale mghende mketowe ne Waamaleki. Ilupfi nitsakwima kuchanya aku nikinda ing’weku ila iyanongele Imulungu nikinde." 11 Musa hayenule ghamoko ghake kuchanya, Waisiraeli tsawahuma, lekeni hayauhulumse Waamaleki tsawahuma. 12 Ghamoko gha Musa haghepfile, Aruni na Huri wasola libwe kulu wamghalila Musa yakalile. Kuya waghakindilitsa ghamoko ghake, Yumwe kenula ghumoko ghwa kujilo na yungi kenula ghumoko ghwa kumoso. Apfo ghamoko gha Musa ghagholoka uchanya mbaka litsuwa haliswele. 13 Kwa kutenda apfo Yoshua tsakawatowa ghendo Waamaleki.
15 Musa tsakatsenga hanu ha kutambikila, kahakema hanu aho, "IMNDEWA yuyo ibendela yangu."