21 na chila imunu kamlapfila IMNDEWA pfinu pfa Lihema lyo kwitinganila ka ghumoyo ghwake pfaghubama. Tsawalapfa chila chinu ichibamighwe kwe sang’ano yose yo kutambikila na kwa kutengenetsela maghwanda ighaenzeluke. 22 Watsa wose wane ghumoyo ghwa kulapfa, iwapinga ne iwamale, tsawalapfa pfipini, tsipete, tsiheleni, tsibangili na chila chinu cha nzahabu. Chila munu tsakamghalila IMNDEWA chinu cha nzahabu. 29 Waisiraeli wose iwapinga ne iwamale wane mimoyo ideng’elele ukumlapfila IMNDEWA, wamlapfila pfinu kwaajili ya sang’ano iyawalaghitse kubitila Musa waitende.
Publicidade