Salmos 15

ദാവീദിന്റെ ഒരു സങ്കീർത്തനം.

1 യഹോവേ, നിന്റെ കൂടാരത്തിൽ ആർ പാർക്കും?

നിന്റെ വിശുദ്ധപർവ്വതത്തിൽ ആർ വസിക്കും?

2 നിഷ്കളങ്കനായി നടന്നു നീതി പ്രവർത്തിക്കയും

ഹൃദയപൂർവ്വം സത്യം സംസാരിക്കയും ചെയ്യുന്നവൻ.

3 നാവുകൊണ്ടു കുരള പറയാതെയും

തന്റെ കൂട്ടുകാരനോടു ദോഷം ചെയ്യാതെയും

കൂട്ടുകാരന്നു അപമാനം വരുത്താതെയും ഇരിക്കുന്നവൻ;

4 വഷളനെ നിന്ദ്യനായി എണ്ണുകയും

യഹോവാഭക്തന്മാരെ ബഹുമാനിക്കയും ചെയ്യുന്നവൻ;

സത്യംചെയ്തിട്ടു ചേതം വന്നാലും മാറാത്തവൻ;

5 തന്റെ ദ്രവ്യം പലിശെക്കു കൊടുക്കാതെയും

കുറ്റുമില്ലാത്തവന്നു വിരോധമായി കൈക്കൂലി വാങ്ങാതെയും ഇരിക്കുന്നവൻ;

ഇങ്ങനെ ചെയ്യുന്നവൻ ഒരുനാളും കുലുങ്ങിപ്പോകയില്ല.