സങ്കീർത്തനങ്ങൾ 37:3-6

Em outras traduções

1. IRVMAL Indian Revised Version (IRV) - Malayalam

   3 യഹോവയിൽ ആശ്രയിച്ച് നന്മചെയ്യുക;

   ദേശത്ത് വസിച്ച് ദൈവത്തോട് വിശ്വസ്തത പാലിക്കുക.

   4 യഹോവയിൽ തന്നെ രസിച്ചുകൊള്ളുക;

   കർത്താവ് നിന്‍റെ ഹൃദയത്തിലെ ആഗ്രഹങ്ങൾ നിനക്കു തരും.

   5 നിന്‍റെ വഴി യഹോവയെ ഭരമേല്പിക്കുക;

   കർത്താവിൽ തന്നെ ആശ്രയിക്കുക; അവിടുന്ന് അത് നിവർത്തിക്കും.

   6 കർത്താവ് നിന്‍റെ നീതിയെ പ്രഭാതം പോലെയും

   നിന്‍റെ ന്യായത്തെ മദ്ധ്യാഹ്നംപോലെയും പ്രകാശിപ്പിക്കും.

2. OMCV Versão Contemporânea Aberta em Malaiala

   3 യഹോവയിൽ ആശ്രയിച്ചുകൊണ്ട് നന്മ പ്രവർത്തിക്കുക;

   എന്നാൽ, സുരക്ഷിതമായ മേച്ചിൽപ്പുറം ആസ്വദിച്ചുകൊണ്ട് ദേശത്തു ജീവിക്കാം.

   4 യഹോവയിൽ ആനന്ദിക്കുക,

   അപ്പോൾ അവിടന്നു നിന്റെ ഹൃദയാഭിലാഷങ്ങൾ നിറവേറ്റും.

   5 നിന്റെ വഴി യഹോവയെ ഭരമേൽപ്പിക്കുക;

   യഹോവയിൽത്തന്നെ ആശ്രയിക്കുക, അവിടന്നു നിന്നെ സഹായിക്കും:

   6 അവിടന്ന് നിന്റെ നീതിയെ ഉഷസ്സുപോലെ പ്രകാശപൂർണമാക്കും,

   നിന്റെ കുറ്റവിമുക്തി മധ്യാഹ്നസൂര്യനെപ്പോലെയും.