ଇସ୍ୱର୍ତି ଉଦାର୍ନି ପାର୍ମାଣା
1 ମାତର୍ ଏ ଜାକୁବ୍, ଇନେନ୍ ନିଙ୍ଗେଙ୍ଗ୍ ଉବ୍ଜାୟ୍ କିତ୍ତାନ୍, ଏ ଇସ୍ରାଏଲ୍, ଇନେନ୍ ନିଂଙ୍ଗେଙ୍ଗ୍ ରଚ୍ଚାତାନ୍, ହେ ନିତ୍ରେମାପ୍ରୁ ନଙ୍ଗ୍ ଇ କାତା ଇଞ୍ଜ୍ନାନ୍; ପାଣ୍ଡ୍ରାଆମା, ଇନାକିଦେଂକି ଆପେଙ୍ଗ୍ ମିଙ୍ଗେଙ୍ଗ୍ ମୁକ୍ଡ଼ାୟ୍ କିତ୍ତାପ୍ନା; ଆପ୍ ମି ତର୍ ଆସ୍ତି ମିଙ୍ଗେଙ୍ଗ୍ କୁକ୍ତାତାପ୍ନା, ଏପ୍ ମାୱାଦେର୍ । 2 ଏପ୍ ନାଗୁଡ଼୍ ନାସି ହାନିହିଂ ଆପ୍ ମି ସାଙ୍ଗ୍ ଆଦ୍ନାପ୍ ନାଗୁଡ଼୍ତିଂ ହାନିହିଂ, ହେ ସବୁ ମିଙ୍ଗେଙ୍ଗ୍ ୱାହି କିଦୁପ୍; ଏପ୍ ନାଣିତିଂ ହାନିହିଂ କାଡ୍ୟାଆଉଦେର୍, କି ନାଣିଗଡିଂ ମିଙ୍ଗେଙ୍ଗ୍ କେଦ୍ଦୁତ୍ । 3 ଇନାକିଦେଂକି ଆପ୍ ନିତ୍ରେମାପ୍ରୁ, ମି ପର୍ମେସ୍ୱର୍, ଇସ୍ରାଏଲ୍ନି ପୁଇପୁୟା ଇସ୍ୱର୍ ଦାର୍ମିଲାକେ, ମି ରାକ୍ୟାକାରିୟା ଆନାନ୍; ଆପ୍ ମି ମୁକ୍ତିନି ମଲ୍ଲାକେ ମିସର୍ ଆରି ମି କୁଟୁମ୍ କୁସ୍ ଆରି ସବା ଦେସ୍ ହିତ୍ତାପ୍ନା ।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)