OL SAM 144

King i talem tangkiu long Hae God, from we hem i win

1 Olgeta.

Mi mi presem Hae God

we i stap lukaot long mi.

Hem i stap tijim mi

blong mekem mi mi rere blong faet.

2 Hem i stap blokemgud mi,

mo i stap lukaot gud long mi.

Hem i sefples blong mi

mo i Sevia blong mi.

Mi mi stap trastem hem nomo

blong i sevem mi.

Hem nao i stap mekem

ol man blong ol narafala kantri

oli stap aninit long paoa blong mi.

(Tok i go long Hae God.)