OL SAM 149

Sing blong presem Hae God

1 Olgeta.

!Yumi presem Hae God!

Yumi ya, yumi ol man blong hem.

I gud yumi wokem wan niufala singsing,

yumi kam wanples

long fes blong ol narafala man blong hem,

yumi sing long hem blong presem hem.

3 I gud yumi danis

blong presem nem blong hem,

yumi kilim ol dram mo ol gita blong yumi

blong presem hem.

4 Oltaem Hae God i stap glad long yumi.

Oltaem tingting blong yumi i stap daon,

nao hem i mekem yumi win.

5 Yumi ol man blong hem,

i gud yumi glad from we yumi win,

i gud yumi singsing delaet

from we yumi glad.