3 Yumi ol stret man,

yumi mas kam long fes blong God,

yumi mas harem gud, yumi glad.

I gud yumi hapi,

we yumi stap singsingaot from.

4 I gud yumi sing long hem,

yumi singsing blong presem nem blong hem.

Hem i stap sidaon long klaod,

i stap kam.

I gud yumi mekemrere rod blong hem.

Nem blong hem, Hae God.

I gud yumi kam long fes blong hem,

yumi glad.

5 God i stap long tabu haos* blong hem,

mo hem i stap lukaot long ol pikinini

we papa blong olgeta i ded,

mo i stap mekem i gud long ol wido.