1 Shakapanu Sofari muntu gwa isi ya Namati kamwankula Ayubu pakalonga,

2 hashi, uvuwa awu wa visoweru ulekwi hera pota kuwankulwa?

Muntu gwa visoweru vivuwa kalanguziya handa kahera likosa?

3 Gulihola visoweru vyaku vivuwa havinyamaziyi wantu?

Handa pagujongera, hashi kwahera yakakukalipira?

4 Gwenga gutakula, kuwera shagulongiti sha nakaka,

nahera likosa palongolu pa Mlungu.

5 Mbaka Mlungu mekatakuli

kulaviya liziwu lyakuyi kukwankula!

6 Mekakugambili kuwera luhala lyana wega zivuwa,

kwana mirandu ya mungati nentu mumahala ga muntu

Guvimani kuwera Mlungu hakakukomangi kwa makosa gagugatenditi.

7 Hashi, guweza kuyambula bada za Mlungu

na kuvimana mbaka za Mlungu yakana likakala?

8 Makakala ga Mlungu gapita mpindi, gwenga guvimana shishi?

Mlungu kakumana ata kumambi,

gwenga guweza kuvimana shishi?

9 Ukulu wa Mlungu upita utali wa pasipanu,

kayi upita upana wa bahari.

10 Handa Mlungu pakapita, kamtawa muntu

handa pakiza nakukujega kumahakama, gaa yakaweza kumlewelera?

11 Mlungu kawamana wantu yawafaandiri,

pakawona makontola yomberi katenda shintu.

12 Mzigizigi kawezandiri kuwera na umani.

Handa punda gwa kuntundu kawezandiri kulera muntu.

13 Ayubu, paguwera mwaminika kwa Mlungu, hagunyasuli mawoku gaku na kumluwa Mlungu!

14 Payiwera gwana vidoda guleki.

Nagujimira udoda uweri munumba mwaku.

15 Shakapanu, hapaguweri na soni, hagugoloki kwa ugangamala pota lyoga.

16 Haguliwaluwi ntabiku zaku zoseri,

haguziholi gambira malawa yagapititi.

17 Makaliru gaku hagang'ering'eti kuliku mshenji gwa paluwala,

luwindu lwakuyi halugalambuki kuwera mng'ering'etu gwa kushiya.

18 Haguweli na ponga toziya kwana litumbiru,

hagulolelwi na kulikala poneka.

19 Hagugonji pota kutiliziwa na muntu,

wantu wavuwa hawakuluwi utanga.

20 Kumbiti wakontola masu gawu hagawonindiri,

njira zoseri za kutolokera hazagamili,

litumbiru lyawu lya upeleru ndo kuhowa.