1 Shakapanu Ayubu kankula,

2 Nakaka nivimana hangu ndo ntambu yayiwera.

Kumbiti muntu kaweza hashi kuwera mheri kulongolu kwa Mlungu?

3 Handa muntu mekajeri kusingana na yomberi,

kawezindiri kusoka patali,

hapeni kawezi kwankula likosiwu limu pakati pa elufu.

4 Yomberi kana luhala nentu na makakala gavuwa,

gaa yakasinganiti na yomberi na kakanka?

5 Yomberi kahamiziya migongu pota yeni kuvimana,

kayibomolera kutali kwa maya gakuyi.

6 Yomberi kapatikisiya pasipanu kulawa pahala pakuyi,

na mpanda zyakuyi zilendemera.

7 Kagugambira mshenji nagulawa,

kagibikira ntondu naziwala.

8 Yomberi gweka yakuyi ndo yakatuliti mpindi pahala pakuyi,

na kugatimba makupala ga bahari.

9 Yomberi katuliti vipinga vya ntondu mulyera,

Dubu na Orioni na Kilimia na ntondu za kusika

10 Yomberi ndo yakatenda mirandu mikulu yayimanikandiri,

mirandu ya kulikangasha yayiwalangikandiri.

11 Guloli Mtuwa Mlungu kankupita pakwegera naneni nimwonandiri, shakapanu kagenda zyakuyi pota neni kummana.

12 Yomberi pakatola shakafira, gaa yakaweza kumlewelera?

Gaa yakaweza kumkosiya, gwangutenda shishi?

13 Mlungu hapenikaleweleri maya gakuyi,

Njoka yumonga gwa kubahali na watanga wakuyi hawasuntami pasi palongolu pakuyi.

14 Su, hamwezi hashi kumwankula Mlungu? Hasyaguli koshi visoweru vya kumgambira?

15 Tembera nahera likosa, wezandiri kumwankula,

hanimluwi kamoneri lusungu yomberi Mlungu yakawera mtoza gwangu.

16 Tembera nimshema, yomberi kankula,

manitindiri kuwera mekampikiniri.

17 Yomberi kalagalila liyega likalipa su lindagi,

kongera vironda vya neni pota toziya

18 Kandekandiri noyeri,

makaliru gangu kagamemiziya utama.

19 Handa kusingana, yomberi kana makakala nentu!

Ata kusakula galii gamfiruwa kupata, gaa hakamjegi pamahakama?

20 Tembera nahera likosa, visoweru vyangu namweni mevintozi,

tembera nahera vidoda mekananguziyi kuwera mpotuziya.

21 Tembera nahera vidoda, nililolandiri namweni, Kumbiti

Nigakalalira makaliru gangu.

22 Goseri gapamuhera ndo mana ntakula,

Mlungu kawagamiziya waheri na wakontola.

23 Shaka makomangu pagajega kuhowa kwa vumu,

Mlungu kajongera kuwuya kumberi kwa ulii yakahera likosa.

24 Isi payikolwamlima na mkontola,

Mlungu kadiwa masu ga watoza wakuyi!

Handa Mlungundiri gaa yanakatendi hangu?

25 Mashaka gangu gagenda kalongola kuliku muntu yakatuga,

katuga pota kuwona mirandu miheri.

26 Makaliru gangu gapita kalongola handa ngalawa mumashi,

gambira ngashanga yakagulukira vyakuwinga.

27 Pantakula, hanililwaluwi malalamiku gangu,

hangalambuli sheni shangu sha hinginiku su weri na nemereru!

28 Kumbiti ntira ntabiku yangu yoseri,

nivimana kuwera Mlungu hakamoni kuwera nahera likosa.

29 Handa pantozwa kuwera na likosa,

ntambu gaa niligazii?

30 Ata paniligulula kwa sabuni na kulitakasiya mawoku kwa mashi gaherepa,

31 ata, pakampatuziya mulilindi lyana ushafu,

na nguwu zyangu namweni hazinemi.

32 Mlungu ndo muntundiri ata nimwankuli,

ata tuwezandiri kugenda nayu kumahakama.

33 Kumbiti kwahera mwamulira pakati petu, mweni mekaamuwi pakati petu twenga wawili.

34 Kwahera muntu yakaweza kumbera Mlungu kunkomanga neni,

na shitiliziwu shakuyi nashintula neni lyoga!

35 Kumbiti mewezi kutakula na yomberi pota kumtira,

mana nivimana ntambu yawera mumoyu mwangu.