1 Moyu gwangu gutwezuka, mashaka gangu gapera,

lisembi lyangu lya kala.

2 Nakaka yawanjongera wazyengeta,

kunjongera kwawu nikuwona pota kufifa.

3 Gwee Mlungu guntangi, weri lekeru kayi,

Mana kwahera yumonga gwa kuntanga.

4 Mana gugatawa mahala ga waganja wa neni,

naguwaleka wakanki.

5 Muntu yakawagalambuka waganja wakuyi kwa senti,

wana wakuyi hawaweri lwisi.

6 Ndendwa kuwera lidufiya kwa wantu

nwera muntu gwa kutemerwa mata.

7 Masu gangu gatifutifu kwa utama,

viwungiru vyangu vyoseri viwera handa shivuni.

8 Wantu wa Mlungu walikangasha pawagawona aga gagandawira neni,

wantu yawaherandiri na likosa wakalaziwa

na yawamtirandiri Mlungu.

9 Hangu, mwaminika kakolelera shilii shakatakula,

muntu yakatenda maheri kongereka kuwera na likakala nentu.

10 Kumbiti mwenga mjeri kayi mawoseri,

Kwa mwenga hapeni nimpati yakana luhala ata yumu.

11 Mashaka gangu gapera, mipangu yangu imegwa,

matumbiru ga moyu gwangu gawuka.

12 Kwa waganja waneni walonga pashiru ndo palwala,

Wamanandiri kulangala pota luwindu.

13 Handa kumambi ndo numba ya neni,

na pakaya pangu paluwindu panu,

14 payiwera nilishema lisembi tati gwangu

na mbekenyu, mawu gwangu ama dada gwangu,

15 Hashi, hansigali na litumbiru gaa?

Ndo gaa yakaweza kuwona litumbiru ali?

16 Ali litumbiru lyangu halisuluki na neni kumambi!

Hatuseleri twawoseri wawili mpaka aku kulidikudiku!