1 Shakapanu Elihu kendeleya kulonga.

2 Gulihola mlandu agu gwa teratera?

Gulonga, neni nahera makosa kulongolu kwa Mlungu.

3 Gumkosiya, ndo mota gaa mpata na

Gupata mota gaa kwa kutendandiri vidoda? 4 Hanikwanguli gwenga na waganja waku viraa.

5 Su guloli kumpindi!

Gugaloli mawundu yagawera kumpindi kuliku gwenga.

6 Pagutenda vidoda, Mlungu ndo yagumtenda?

Handa pagongera makosa gaku, gulishera gumtenda?

7 Handa gwenga gwamheri, hashi gumpanana mota.

Ama yomberi kanka shintu kulawa kwa gwenga?

8 Ukontola waku hawumtendi muntu handa gwenga,

uheri waku hawumtanki yumonga.

9 Toziya ya ntabiku ivuwa wantu walira,

waluwa utanga toziya ya makomangu ga wanamakakala.

10 Kumbiti kwahera yakatakula, kakoshi Mlungu, muwumba gwaku,

yakantenda weri mkalamka pashiru,

11 yakatufunda kuliku wankanyama,

na kututenda twana luhala kuliku wampongu.

12 Wantu awa waluwa utanga kumbiti Mlungu kawankulandiri,

toziya ya kulitumba kwa twenga wakontola

13 Nakaka Mlungu kapikanirandiri kulira kwakuwerandir na mana,

Mlungu Yakana Likakala kalisherandiri kulira aku.

14 Hakakwankuli hashi,

na gwenga gulonga gumwonandiri na toza yaku ya kulongolu kwakuyi na gwenga gumuhepera.

15 Viraa gutakula, Mlungu kawakalalirandiri wakontola,

pota kuwakomanga wakontola,

16 Na Ayubu kendereya kutakula,

gongera visoweru pota mahala.