1 Shakapanu Bilidadi, muntu gwa kulawa Shuhi, kankula.

2 Mlungu ndo yakana uwezu mkulu,

wantu woseri wamguwiri.

Yomberi katula ponga mpaka kumpindi kwakuyi.

3 Gaa yakaweza kuwalanga mashonta gakuyi?

Gaa yakamulikirwandiri na lulangala lyakuyi?

4 Muntu kaweza hashi, kutenda yagamfiriziya Mlungu?

Ama muntu kaweza hashi kuwera kaherepa?

5 Kwa Mlungu ata lyezi ling'eleng'etandiri nentu,

viraa ndondu ziherepandiri kulongolu kwakuyi Mlungu,

6 ntambu gaa vinu muntu mweni ndo shigongolu,

muntu mweni ndo shikwitakwita hera!