13 ኔን ታ ግዶ አሳተ ኡባ መዳ፤
ታ አት ኡሉዋን ታና ኔን ዋጻ መዳ።
14 ኔን ታና ማላልስያባነ ኦራባ ኦደ መዳ ድራዉ፥
ታን ኔና ጋላታይ።
ነ ኦሶቱ ማላልስያዋንታ!
ታን ቃይ ሄዋ ዉርሳደ ኤራይ።
15 ታን ጌማ ሳኣን መትያ ዎደ፥
ታ መቀቱ ኔፐ ጌምበይክኖ።
ታ ቦላይ ታ አት ኡሉዋ ጪማ ግዶን
ሂላን አሌቀቲደ ኦሰትያ ዎደ፥
16 የለትቤና ታ አሳተ ነ አይፊ በኤዳ።
ብሮ እቱነ ዶመተናን ደእሽን፥
ታዉ ኔን ጊግሴዳ ጋላሳቱ ኡባቱ
ነ ማዝጎብያን ጻፈቴድኖ።
17 አቤት ጾሳዉ፥
ነ ቆፋቱ አያ ጮራቴድኖ!
ኡንቱንታ ኤራናዌ አያ ዋይሲ!
18 ታን ኡንቱንታ ፓይድንቶ፥
ኡንቱንቱ ሻፍያፐ ዳራና ሽን።
ታን ቤጎትያ ዎደ፥
ሀእካ ኔናና ደአይ።
13 Neeni ta giddo asatetsaa ubbaa med’d’aadda;
ta aatti uluwaan taana neeni waas’a med’aadda.
14 Neeni taana malalissiyaabaanne ooratsabaa ootsaade med’d’eedda diraw,
taani neena galatay.
Ne oosotuu malalissiyaawantta!
Taani k’ay hewaa wurssaade eray.
15 Taani geema sa’aan med’ettiyaa wode,
ta mek’etsatuu neeppe geemmibeyikkino.
Ta bollay ta aatti uluwaa c’iimmaa giddon
hiillan alleek’k’ettiide oosettiyaa wode,
16 yelettibeenna ta asatetsaa ne ayifii be’eedda.
Biro ittuunne doomettennan de’ishshin,
taw neeni giigiseedda gallassatuu ubbatuu
ne mazggobiyaan s’aafetteeddino.
17 Abeet S’oossaw,
ne k’ofatuu ayaa c’oratteeddinoo!
Unttuntta eranawe ayaa waayissii!
18 Taani unttuntta paydintto,
unttunttu shafiyaappe darana shin.
Taani beegottiyaa wode,
ha"ikka neenana de’ay.
+581 estão orando agora.
Junte-se à corrente de oração.