ጾሳይ ታ ላታ
ዳዊታ ዎሳ
1 አቤት ጾሳዉ፥
ታን ኔኮ ባቃቴዳ ድራዉ፥ ታና ናጋ።
2 ታን መና ጎዳዉ፥ "ኔን ታ ጎዳ፤
ኔፐ አትን፥ ሀራ ሎኡ ታዉ ባዋ" ያጋይ።
3 ሳኣን ደእያ ጌሻቱ
አይ ማላ ጋላተቴድኖ!
ታ ናሸቻይ ኡባይ ኡንቱንቱና እትፐ ግድያዋ።
4 ዎርዶ ጾሳቱዋ ካልያዋንቱ
ባረንቱ ቦላ መቱዋ ዳርሲኖ።
ሽን ታን ኡንቱንቱ ዎርዶ ጾሳቶ ያርሽከ፤
ታን ኡንቱንቱ ሱን ጼስከ።
5 ታ መና ጎዳዉ፥ ታ ደኡዋ ላታይነ ጹአይ ኔና፤
ታና ኮሽያ ኡባ ኔን ታዉ እማሳ።
ታ ደኡዋ ሳማይ ኔና።
6 ኔን ታዉ ዋዳ ሳማይ አይ ኬሻ ሎኤ!
ኤ ታ ላታይ ቱሙዋፐ ሎአ!
7 ታና ዞርያ መና ጎዳ ጋላታይ፤
ብላሄካ ታ ዎዛናይ ታና ሴሬ።
8 ታን ኡባ ገደ መና ጎዳ ታፐ ስንያይ16:8-11 ኪታ 2:25-28
እ ታፐ ኡሸቻ ባጋና ደእያ ድራዉ፥
ታን ህርግከ።
9 ሄዋ ድራዉ፥ ታ ዎዛናይ ናሸቴ፤
ታ ሸምፑካ ሀሹ ጌ።
ታ ቦላይካ ህርግ ባይናን ደኤ።
10 ታና ስኦልያዉ አደ እማካ፤16:10 ኪታ 13:35
ኔን ነ ጌሻ ሙስሳካ።
11 ኔን ታና ደኡዋ ኦግያ በሳሳ።
ታን ነ ማታን ደእና፥ ታ ናሸቻይ ፖለቴ፤
ነ ኡሸቻ ባጋና እንጂ መናዉ ደኤ።