ጾሳይ ፕርድያዋ ግዶዎ ሳቡሳ
ባረና የደርሴዳ አብመሌካ ስንፐ ጎይያዋ ማላቲደ ቤዳ ዎደ፥ ዳዊታ ማዛሙርያ
1 ታን መና ጎዳ ኡባ ዎደ ጋላታና፤
አ ጋላታይ አይ ዎደነ ታ ዶናፐ ፓጨና።
2 ታን መና ጎዳን ጬቀታይ፤
ናቀቴዳዋንቱ ሄዋ ስሲደ ናሸትኖ።
3 ታናና ግዲደ፥ መና ጎዳ ግታይተ።
አነ እትፐ አ ሱን ቁ ቁ ኦይተ።
4 ታን መና ጎዳ ኮያድ፤
እ ታዉ ዛሬዳ፤
ታን ያይያዋ ኡባፐ ታና እ አሼዳ።
5 ኔኮ ጼልያዋንቱ ናሸቲኖ፤
ኡንቱንቱ ሶምኢ ኡባካ ዬላተና።
6 ሀ ህዬሳ ብታኒ ዋሴዳ፤
መና ጎዳይ አ ዋሱዋ ስሴዳ፤
አ መቱዋ ኡባፐ አ አሼዳ።
7 መና ጎዳ ኪታንቻይ አ ያይያ አሳቱዋ ናጌ፤
እ ኡንቱንቱ ዩሹዋን ግዲደ፥ ኡንቱንታ አሼ።
8 መና ጎዳይ ኬካ ግድያዋ ጼል በእተ።34:8 1 ጰጽ. 2:3
አኮ ባቃትያ አሳይ አንጀቴዳዋ።
9 ህንተኖ፥ አ ጌሻ አሳቶ፥ መና ጎዳዉ ያይተ፤
አያዉ ጎፐ፥ አዉ ያይያ ኡባቶ አያይነ ፓጨና።
10 ጋሞቱካ ምያዌ ይና ኮሻቲኖ፤
ሽን መና ጎዳ ኮይያዋንቶ ሎኦባይ ፓጨና።
11 ታ ታማረቶ፥ ሃ ዪተ፤ ስስተ፤
መና ጎዳ ያሻ ታን ህንተና ታማርሳና።
12 ሎኦ ደኡዋ ደአናዉነ
ኬካባ በአና ማላ፥34:12-16 1 ጰጽ. 3:10-12
ባረ ላይይ አዱቃናዉ ኮይያ አሳይ ኦኔ?
13 ነ እንጻርሳይ ኢታባ ሃሳየናዳን፥
ነ ዶናይካ ጭሜናዳን ተአ።
14 ኢታፐ ሻከታ፤ ሎኦባ ኦ፤
ሳሮተ ሎይ ኮያደ ካላ።
15 መና ጎዳ አይፊ ጽሎቱዋኮ ጼሌ፤
ቃይ አ ሀይይካ ኡንቱንቱ ዋሱዋ ሀይዜ።
16 ኡንቱንታ ሀሳይስያዋ ቢታፐ ይሳና ማላ፥
መና ጎዳይ ኢታ ኦያዋንታ፥
ባረ ሀንቁዋ ሶምኡዋን ጼሌ።
17 ጽሎቱ ዋሲኖ፤
መና ጎዳይ ኡንቱንቱ ዋሱዋ ስሴ።
እ ኡንቱንቱ መቱዋ ኡባፐ አሼ።
18 መና ጎዳይ ዎዛናይ መኤዳዋንቶ ማታና፤
ቃይ ባረንቱ ህዶታ ቃንጼዳዋንታ አሼ።
19 ጽሎ አሳ መቱ ዳራ፤
ሽን መና ጎዳይ አ ሄ ኡባፐ አሼ።
20 ጾሳይ አ ምን ናግያ ድራዉ፥34:20 ዮሃ. 19:36
አ መቀፐ እቱነ መኤና።
21 ኢታቱዋ ኢታተይ ዎና፤
ጽሎቱዋ እጽያዋንቱ ፕርደታና።
22 መና ጎዳይ ባረ ቆማቱዋ አሼ።
አኮ ባቃቲደ ኦንነ ፕርደተና።